{"id":56,"slug":"gajendra-maharjan-080-cr-0185-revenue-fy2079","public_iri":"https://jawafdehi.org/case/gajendra-maharjan-080-cr-0185-revenue-fy2079","offence_type":"CORRUPTION","case_type":"CORRUPTION","state":"PUBLISHED","title":"गोदावरीको निकासी कर ठेक्कामा रु. २६.६३ करोड राजस्व चुहावट (आ.व. २०७९/०८०): नगरप्रमुख गजेन्द्र महर्जन विरुद्ध मुद्दा (080-CR-0185)","short_description":"गोदावरी नगरपालिकाका तत्कालीन नगरप्रमुख, नगर उपप्रमुख, प्रमुख प्रशासकीय अधिकृत र राजस्व शाखा प्रमुख लगायतका पदाधिकारी तथा ठेकेदार कम्पनी र खानी/क्रसर उद्योग व्यवसायीहरू विरुद्ध आर्थिक वर्ष २०७९/०८० मा ढुङ्गा, गिट्टी, ग्राभेल, रोडा, बालुवा र माटोको निकासी शुल्क दर बागमती प्रदेश सरकारले निर्धारण गरेको दरभन्दा घटी तोकी राजस्व चुहावट गराएको आरोपमा अख्तियार दुरुपयोग अनुसन्धान आयोगले भ्रष्टाचारसम्बन्धी अभियोग दायर गरेको थियो। यसैसाथ केही पदाधिकारी प्रतिवादीहरू विरुद्ध सरकारी कागजात लुकाएको/नष्ट गरेको आरोप समेत लगाइएको थियो। प्रतिवादीहरूविरुद्ध भ्रष्टाचार निवारण ऐन, २०५९ को दफा ७(ख), दफा २२ र दफा १२ बमोजिम कसुरमा अभियोग दायर गरिएको थियो। विशेष अदालतले निकासी शुल्कको दर तोक्ने अधिकार स्थानीय तहमै रहेको र प्रदेश ऐनसँग बाझिएको भन्ने विवादको निरूपण गर्ने क्षेत्राधिकार सर्वोच्च अदालतको संवैधानिक इजलासमा रहेको भन्दै, प्रतिवादीहरूले नगरसभाबाट पारित कानून कार्यान्वयन गरेकोसम्म देखिई बदनियत पुष्टि हुन नसकेको आधारमा सबै प्रतिवादीहरूलाई अभियोग दाबीबाट सफाइ दिएको थियो।","authors":[{"slug":"subodh-kandel","display_name":"Subodh Kandel","name_ne":"सुबोध कँडेल","photo_url":"https://jawafdehi.org/assets/teammembers/subodh.webp","title":"Caseworker","has_public_page":true}],"case_publish_date":"2026-08-08","public_edit_history":[],"public_notes":"**Case Summarized by Subodh Kandel**\n**First Published on 2083/04/ 14**","thumbnail":{"src":"https://s3.jawafdehi.org/case_uploads/8f53073f3cee6acff5067a19df68283bee1d6b688b61c419ba34ac2e4916a364.webp","srcset":"https://s3.jawafdehi.org/case_uploads/d2c32f4ea471c561c7c07685b57160db72fefd6ee2dfc66c10ae149315f7a118.webp 400w, https://s3.jawafdehi.org/case_uploads/babf211b39ce0de08ffb1a634505b0fd1059ed368bd66fd5591da910f49855a9.webp 800w, https://s3.jawafdehi.org/case_uploads/8f53073f3cee6acff5067a19df68283bee1d6b688b61c419ba34ac2e4916a364.webp 1200w","width":1200,"height":675,"alt":""},"banner":{"src":"https://s3.jawafdehi.org/case_uploads/977d47ee8e53aa4265a0d9cb55bc58aaa70e3036c12d08bdf058c0da2646faa0.webp","srcset":"https://s3.jawafdehi.org/case_uploads/596943b43c3c8e04b7bc89ee25bc69156695134635261f99cc27d089f0e81180.webp 640w, https://s3.jawafdehi.org/case_uploads/216896599934d2cd833348e6c97fa7d11b4bd277732c23d2a8a7dea876cd014f.webp 1280w, https://s3.jawafdehi.org/case_uploads/977d47ee8e53aa4265a0d9cb55bc58aaa70e3036c12d08bdf058c0da2646faa0.webp 1600w","width":1600,"height":704,"alt":""},"thumbnail_image_id":379,"banner_image_id":295,"thumbnail_url":"","banner_url":"","case_start_date":"2024-06-03","case_end_date":"2024-08-14","dates":{"stages":[{"end":"2024-08-14","stage":"initial","start":"2024-06-03","courtcase_iri":"https://jawafdehi.org/courtcase/special/080-cr-0185"}]},"status":"concluded","case_track":null,"status_override":null,"proceedings_started_on":"2024-06-03","proceedings_decided_on":"2024-08-14","appeal_verdicts":{},"appeal_parties":{},"entities":[{"nes_id":"https://jawafdehi.org/entity/organization/khani-tatha-bhugarbha-vibhaga-9829ae","display_name":"Department of Mines and Geology","entity_type":"Organization","type":"witness","outcome":null,"notes":"खनिज उत्खननको स्वीकृति दिने निकाय","name":{"en":"Department of Mines and Geology","ne":"खानी तथा भूगर्भ विभाग"},"image":null},{"nes_id":"https://jawafdehi.org/entity/person/gajendra-maharjana-2c437c","display_name":"Gajendra Maharjan","entity_type":"Person","type":"accused","outcome":"acquitted","notes":"तत्कालीन नगरप्रमुख, गोदावरी नगरपालिका — घटी दर सदर गर्ने नगर कार्यपालिका बैठकको अध्यक्ष (मुख्य प्रतिवादी)","name":{"en":"Gajendra Maharjan","ne":"गजेन्द्र महर्जन"},"image":null},{"nes_id":"https://jawafdehi.org/entity/person/muna-adhikari-c2dea9","display_name":"Muna Adhikari","entity_type":"Person","type":"accused","outcome":"acquitted","notes":"तत्कालीन नगर उपप्रमुख, गोदावरी नगरपालिका — राजस्व परामर्श समितिको पदेन संयोजक","name":{"en":"Muna Adhikari","ne":"मुना अधिकारी"},"image":null},{"nes_id":"https://jawafdehi.org/entity/person/madhusudana-dotela-265c78","display_name":"Madhusudan Dotel","entity_type":"Person","type":"accused","outcome":"acquitted","notes":"सञ्चालक, निराकार ढुङ्गा रोडा उद्योग प्रा.लि. — मतियार","name":{"en":"Madhusudan Dotel","ne":"मधुसुदन डोटेल"},"image":null},{"nes_id":"https://jawafdehi.org/entity/organization/nirakara-dhumga-udyoga-pra-li-3eb338","display_name":"Nirakar Dhunga Industry Pvt. Ltd.","entity_type":"Organization","type":"accused","outcome":"acquitted","notes":"क्रसर/खानी उद्योग — घटी निकासी दरबाट प्रति घनफिट रु.६.२५ लाभ लिएको आरोप — मतियार","name":{"en":"Nirakar Dhunga Industry Pvt. Ltd.","ne":"निराकार ढुंगा उद्योग प्रा लि"},"image":null},{"nes_id":"https://jawafdehi.org/entity/person/kedaranatha-timalsina-36efe1","display_name":"Kedarnath Timsina","entity_type":"Person","type":"accused","outcome":"acquitted","notes":"सञ्चालक, मछिन्द्रनाथ मल्टीप्रपोज प्रा.लि. — मतियार","name":{"en":"Kedarnath Timsina","ne":"केदारनाथ तिमल्सिना"},"image":null},{"nes_id":"https://jawafdehi.org/entity/organization/machhindranath-multipurpose-pvt-ltd","display_name":"Machhindranath Multipurpose Pvt. Ltd.","entity_type":"Organization","type":"accused","outcome":"acquitted","notes":"क्रसर/खानी उद्योग — घटी निकासी दरबाट लाभ लिएको आरोप — मतियार","name":{"en":"Machhindranath Multipurpose Pvt. Ltd.","ne":"मछिन्द्रनाथ मल्टीप्रपोज प्रा.लि."},"image":null},{"nes_id":"https://jawafdehi.org/entity/person/sasiraja-sahi-9fdd63","display_name":"Shashiraj Shahi","entity_type":"Person","type":"accused","outcome":"acquitted","notes":"सञ्चालक, सजिलो रोडा ढुङ्गा उद्योग प्रा.लि. — मतियार","name":{"en":"Shashiraj Shahi","ne":"शशीराज शाही"},"image":null},{"nes_id":"https://jawafdehi.org/entity/organization/sajilo-dhumga-udyoga-pra-li-bac502","display_name":"Sajilo Dunga Industry Pvt. Ltd.","entity_type":"Organization","type":"accused","outcome":"acquitted","notes":"क्रसर/खानी उद्योग — घटी निकासी दरबाट लाभ लिएको आरोप — मतियार","name":{"en":"Sajilo Dunga Industry Pvt. Ltd.","ne":"सजिलो ढुंगा उद्योग प्रा लि"},"image":null},{"nes_id":"https://jawafdehi.org/entity/person/birendra-maharjan-ward-30802-28","display_name":"Birendra Maharjan","entity_type":"Person","type":"accused","outcome":"acquitted","notes":"वीरेन्द्र महर्जन ढुङ्गा उद्योग प्रा.लि.सँग सम्बद्ध भनी अभियोग लगाइएको (आफू सञ्चालक नरहेको जिकिर) — मतियार","name":{"en":"Birendra Maharjan","ne":"विरेन्द्र महर्जन"},"image":null},{"nes_id":"https://jawafdehi.org/entity/organization/virendra-maharjana-dhumga-udyoga-pra-li-098ea0","display_name":"Birendra Maharjan Dhunga Industry Pvt. Ltd.","entity_type":"Organization","type":"accused","outcome":"acquitted","notes":"क्रसर/खानी उद्योग — घटी निकासी दरबाट लाभ लिएको आरोप — मतियार","name":{"en":"Birendra Maharjan Dhunga Industry Pvt. Ltd.","ne":"विरेन्द्र महर्जन ढुंगा उद्योग प्रा लि"},"image":null},{"nes_id":"https://jawafdehi.org/entity/person/karma-kantraksana-d9e2d5","display_name":"Karma Contraction","entity_type":"Person","type":"accused","outcome":"acquitted","notes":"निकासी कर ठेक्का पाएको ठेकेदार फर्म — मतियार","name":{"en":"Karma Contraction","ne":"कर्मा कन्ट्रक्सन"},"image":null},{"nes_id":"https://jawafdehi.org/entity/person/pravina-koirala-a7f1ad","display_name":"Pravin Koirala","entity_type":"Person","type":"accused","outcome":"acquitted","notes":"तत्कालीन प्रमुख प्रशासकीय अधिकृत, गोदावरी नगरपालिका","name":{"en":"Pravin Koirala","ne":"प्रविन कोइराला"},"image":null},{"nes_id":"https://jawafdehi.org/entity/person/srikantha-ghimire-ae52bb","display_name":"Srikantha Ghimire","entity_type":"Person","type":"accused","outcome":"acquitted","notes":"राजस्व शाखा प्रमुख तथा राजस्व परामर्श समितिको सदस्य-सचिव, गोदावरी नगरपालिका","name":{"en":"Srikantha Ghimire","ne":"श्रीकण्ठ घिमिरे"},"image":null},{"nes_id":"https://jawafdehi.org/entity/person/ravi-maharjana-e8e73c","display_name":"Ravi Maharjan","entity_type":"Person","type":"accused","outcome":"acquitted","notes":"सञ्चालक/प्रोपाइटर, कर्मा कन्स्ट्रक्सन — मतियार","name":{"en":"Ravi Maharjan","ne":"रवि महर्जन"},"image":null},{"nes_id":"https://jawafdehi.org/entity/location/khanijanya-nadijanya-padartha-nikasi-kar-1a0fea","display_name":"Mineral/Riverine Material Extraction Tax Contract - Godavari Municipality, Lalitpur District","entity_type":"Place","type":"related","outcome":null,"notes":"","name":{"en":"Mineral/Riverine Material Extraction Tax Contract - Godavari Municipality, Lalitpur District","ne":"खानीजन्य/नदीजन्य पदार्थ निकासी कर ठेक्का - गोदावरी नगरपालिका, ललितपुर जिल्ला"},"image":null},{"nes_id":"https://jawafdehi.org/entity/location/bagamati-pradesa-sarakara-79c7ab","display_name":"Bagmati Province Government","entity_type":"Place","type":"related","outcome":null,"notes":"","name":{"en":"Bagmati Province Government","ne":"बागमती प्रदेश सरकार"},"image":null},{"nes_id":"https://jawafdehi.org/entity/organization/khani-udyoga-tatha-krasara-vyavasayiharu-55c331","display_name":"Mining Industry and Crusher Businesses","entity_type":"Organization","type":"related","outcome":null,"notes":"घटी निकासी दरबाट लाभ पुगेको भनिएका खानी/क्रसर व्यवसायीहरू","name":{"en":"Mining Industry and Crusher Businesses","ne":"खानी उद्योग तथा क्रसर व्यवसायीहरु"},"image":null},{"nes_id":"https://jawafdehi.org/entity/organization/rajasva-paramarsa-samiti-25319d","display_name":"Revenue Advisory Committee, Godawari Municipality","entity_type":"Organization","type":"related","outcome":null,"notes":"२०७९।०२।२७ को बैठकबाट प्रति घनफिट रु.२.७५ को घटी दर सिफारिस गरेको समिति","name":{"en":"Revenue Advisory Committee, Godawari Municipality","ne":"राजस्व परामर्श समिति, गोदावरी नगरपालिका"},"image":null},{"nes_id":"https://jawafdehi.org/entity/location/localunit/godawari-municipality-30803","display_name":"Godawari Municipality","entity_type":"AdministrativeArea,jawafdehi:Municipality","type":"location","outcome":null,"notes":"कार्यालय रहेको स्थानीय तह","name":{"en":"Godawari Municipality","ne":"गोदावरी नगरपालिका"},"image":null},{"nes_id":"https://jawafdehi.org/entity/location/district/lalitpur-np0325","display_name":"Lalitpur","entity_type":"AdministrativeArea,jawafdehi:District","type":"location","outcome":null,"notes":"कार्यालय रहेको जिल्ला","name":{"en":"Lalitpur","ne":"ललितपुर"},"image":null},{"nes_id":"https://jawafdehi.org/entity/location/province/bagmati-np03","display_name":"Bagmati Province","entity_type":"AdministrativeArea,jawafdehi:Province","type":"location","outcome":null,"notes":"मुद्दा सम्बन्धित प्रदेश","name":{"en":"Bagmati Province","ne":"वाग्मती प्रदेश"},"image":null}],"tags":["CIAA","Corruption","Local Government","Revenue Leakage","Public Office Abuse","Lalitpur"],"description":"**सुचनार्थ:**\nयो मुद्दा गोदावरी नगरपालिकाको निकासी कर शुल्क/राजस्व चुहावटसँग सम्बन्धित मुद्दा हो । यस्तै समान प्रकृतिका अन्य ४ वटा छुट्टाछुट्टै मुद्दाहरु छन्। अख्तियार दुरुपयोग अनुसन्धान आयोगले फरक-फरक आर्थिक वर्ष (२०७५/०७६ देखि २०७९/०८० सम्म) का लागि छुट्टाछुट्टै आरोपपत्र दायर गरेको हुनेले  समान प्रकृतीका ५ वटा मुद्दा दर्ता भएका हुन । प्रत्येक आर्थिक वर्षको ठेक्का र दरसम्बन्धी तथ्य फरक पर्ने हुनाले यस मुद्दामा उल्लेख गरिएको दर, विगो र ठेक्क उल्लेखित आर्थिक वर्षहरुमा मात्र सीमित रहनेछन्। \n\n****आरोपपत्रको सार****\n\nगोदावरी नगरपालिकाले आर्थिक वर्ष २०७९/०८० का लागि ढुङ्गा, गिट्टी, ग्राभेल, रोडा, बालुवा, माटो र खरिढुङ्गाको निकासी शुल्क उठाउने प्रयोजनका लागि ठेक्का अन्तर्गत बोलपत्र आह्वान गरी कर्मा कन्स्ट्रक्सनसँग ठेक्का सम्झौता गरेको थियो।\n\nप्रतिवादीहरुले आपसी मिलेमतो र योजना गरी गोदावरी नगरपालिकाको मिति २०७९।०२।२७ गतेको राजस्व परामर्श समितिको बैठकबाट सिफारिस गराई मिति २०७९।०२।२९ गतेको कार्यपालिकाको बैठकबाट सो सिफारिस सदर गराई, बागमती प्रदेश आर्थिक ऐन, २०७९ को दफा ९ ले निर्धारण गरेको प्रति घनफिट रु.९।- को दरलाई पूर्णरुपमा बेवास्ता गरी प्रति घनफिट रु.२.७५।- मात्र दर तोकी सोही दरमा गोदावरी नगरपालिकाको आर्थिक ऐन, २०७९ को दफा १५ मा समेत व्यवस्था गराएको आरोप अख्तियारले लगाएको थियो। यसरी न्यून दर तोकी मिति २०७९।०३।०१ गते बोलपत्र आह्वान गराई, एकमात्र प्रस्तावदाता कर्मा कन्स्ट्रक्सनसँग न्यूनतम कवोल अंक रु.१०,३७,०६,५९८।५० भन्दा बढी रु.१३,०६,२२,७७६।- (भ्याटसहित) मा मिति २०७९।०४।२४ मा ठेक्का सम्झौता गराई, नेपाल सरकारले प्राप्त गर्ने मूल्य अभिवृद्धि कर, बागमती प्रदेश सरकारको ४० प्रतिशत हिस्सा र गोदावरी नगरपालिकाले प्राप्त गर्ने ६० प्रतिशत हिस्सासमेतमा राजस्व चुहावट गराएको आरोप लगाइएको थियो।\n\n  \n\n****प्रतिवादीहरुको भूमिका:****\n\n-   तत्कालीन नगरप्रमुख गजेन्द्र महर्जन, तत्कालीन नगर उपप्रमुख मुना अधिकारी, तत्कालीन प्रमुख प्रशासकीय अधिकृत प्रविन कोइराला र राजस्व शाखा प्रमुख तथा राजस्व परामर्श समिति सदस्य-सचिव श्रीकण्ठ घिमिरेले आपसी मिलेमतोमा घटी दर सिफारिस गरी/गराई कार्यपालिका र नगर आर्थिक ऐनबाट लागू गराएको आरोप लगाइएको,\n-   कर्मा कन्स्ट्रक्सन र सोका सञ्चालक रवि महर्जनले घटी दरबाट प्रत्यक्ष लाभ प्राप्त गरेको आधारमा नगद तथा लाभ प्राप्त गर्ने प्रकृतिको मतियारको रुपमा आरोप लगाइएको,\n-   निराकार ढुङ्गा रोडा उद्योग प्रा.लि. (मधुसुदन डोटेल), मछिन्द्रनाथ मल्टीप्रपोज प्रा.लि. (केदारनाथ तिमल्सिना), सजिलो रोडा ढुङ्गा उद्योग प्रा.लि. (शशिराज शाही) र वीरेन्द्र महर्जन ढुङ्गा उद्योग प्रा.लि. (वीरेन्द्र महर्जन) — यी सबैले घटी निकासी शुल्क दरबाट प्रति घनफिट रु.६.२५।- को प्रत्यक्ष लाभ प्राप्त गरेको आधारमा लाभ प्राप्त गर्ने प्रकृतिको मतियारका रुपमा आरोप लगाइएको।\n\nथप, प्रतिवादी गजेन्द्र महर्जन, मुना अधिकारी, प्रविन कोइराला र श्रीकण्ठ घिमिरेले गोदावरी नगरपालिकाको आर्थिक वर्ष २०७५/०७६ र २०७६/०७७ को राजस्व परामर्श समितिको बैठकका निर्णयहरु अख्तियार समक्ष उपलब्ध गराउन नसकेको आधारमा ती सरकारी सार्वजनिक कागजातहरु बदनियतपूर्वक लुकाएको वा नष्ट गरेको आरोप समेत लगाइएको थियो।\n\n ****बिगो:**** प्रति घनफिट रु.९।- को सट्टा रु.२.७५।- मात्र दर तोकी गराइएको राजस्व चुहावट रु.२६,६३,३७,३९८।१२ भएको दाबी गरिएको थियो।\n\n****मागदाबीः****\n\n| प्रतिवादी / समूह                                                                                                                                                                                              | भूमिका                                     | आरोपित कानूनी व्यवस्था                                                                                                                                                      |\n| ------------------------------------------------------------------------------------------------------------------------------------------------------------------------------------------------------------- | ------------------------------------------ | --------------------------------------------------------------------------------------------------------------------------------------------------------------------------- |\n| गजेन्द्र महर्जन, मुना अधिकारी, प्रविन कोइराला, श्रीकण्ठ घिमिरे                                                                                                                                                | घटी दर तोकी/तोक्न लगाई राजस्व चुहावट गरेको | भ्रष्टाचार निवारण ऐन, २०५९ को दफा ७(ख) बमोजिमको कसुर; दफा ३(१)(झ) बमोजिम कैद; दफा ७ बमोजिम दोब्बर जरिबाना; साथै दफा १२ बमोजिम सरकारी कागजात लुकाएको/नष्ट गरेको कसुर         |\n| कर्मा कन्स्ट्रक्सन र सञ्चालक रवि महर्जन; निराकार ढुङ्गा रोडा उद्योग प्रा.लि., मछिन्द्रनाथ मल्टीप्रपोज प्रा.लि., सजिलो रोडा ढुङ्गा उद्योग प्रा.लि., वीरेन्द्र महर्जन ढुङ्गा उद्योग प्रा.लि. र तिनका सञ्चालकहरु | नगद/लाभ प्राप्त गर्ने प्रकृतिको मतियार     | दफा ७(ख) बमोजिमको कसुरमा दफा २२ बमोजिम मतियार; मुख्य कसुरदार सरह दफा ३(१)(झ) बमोजिम कैद र दफा ७ को दोब्बर जरिबानालाई आधार मानी दफा २२ को प्रतिबन्धात्मक वाक्यांशबमोजिम सजाय |\n\n****प्रतिवादीहरूको बयान****\n\n****नगरपालिका पदाधिकारी तथा कर्मचारीहरूको बयानः****  \nविशेष अदालत समक्ष गरेको बयानमा तत्कालीन नगरप्रमुख गजेन्द्र महर्जन, तत्कालीन नगर उपप्रमुख मुना अधिकारी, तत्कालीन प्रमुख प्रशासकीय अधिकृत प्रविन कोइराला र राजस्व शाखा प्रमुख श्रीकण्ठ घिमिरेले निकासी शुल्कको दर निर्धारण गर्ने विषय राजस्व परामर्श समितिको सिफारिस, नगर कार्यपालिकाको निर्णय र नगरसभाबाट पारित आर्थिक ऐनमार्फत हुने सामूहिक प्रक्रिया भएको र सोमा आफूहरू कसैको एकलौटी वा स्वेच्छाचारी निर्णय नरहेको जिकिर गरेका छन्।\n\nस्थानीय सरकार सञ्चालन ऐन, २०७४ को दफा ६४ खारेज भई प्रदेश सरकारलाई साधारण निर्माणमुखी खनिज पदार्थको दर तोक्ने अधिकार नरहेको र सोही ऐनमा थपिएको दफा ६२क. बमोजिम त्यस्तो दर तोक्ने अधिकार स्थानीय तहमै रहेको बताएका छन्।\n\nनगर प्रमुखले नगर कार्यपालिकाका २४ र नगरसभाका ७६ सदस्यमध्ये आफू एक मात्र सदस्य भएकाले एकल निर्णय गर्ने हैसियत नरहेको र सोही निर्णय प्रक्रियामा संलग्न अन्य पदाधिकारीलाई मुद्दा नचलाई आफूहरू दुई जनालाई मात्र छानी अभियोजन गरिएको दाबी गरेका छन्। नगर उपप्रमुखले राजस्व परामर्श समितिको पदेन संयोजकको रूपमा आफ्नो दायित्व समितिको निर्णय बैठक पुस्तिकामा लेखाई कार्यपालिकामा सिफारिस गर्नेसम्म मात्र सीमित रहेको जिकिर गरेकी छिन्।\n\nप्रमुख प्रशासकीय अधिकृतले करको दर तोक्ने वा हेरफेर गर्ने अधिकार आफूमा नरहेको र नगरसभाबाट पारित दरमा मात्र ठेक्का बन्दोबस्त गरेको बताएका छन्। राजस्व शाखा प्रमुखले पनि दर तोक्ने वा परिवर्तन गर्ने अधिकार आफूमा नरहेको र ठेकेदारले सम्झौता बमोजिमको सम्पूर्ण रकम नगरपालिकाको राजस्व खातामा दाखिला गरिसकेको जिकिर गरेका छन्।\n\nयी सबै प्रतिवादीले महालेखा परीक्षकको लेखापरीक्षणले समेत कुनै बेरुजु वा कानुनी त्रुटि नदेखाएको, आफूहरूले बदनियत राखी कुनै कार्य नगरेको र राजनीतिक/व्यक्तिगत विद्वेषका कारण झुट्टा अभियोग लगाइएको भन्दै अभियोग दाबीबाट सफाइ माग गरेका थिए।\n\n****ठेकेदार कम्पनीहरुको बयानः****  \nकर्मा कन्स्ट्रक्सन र सोका प्रोपाइटर रवि महर्जनले आफ्नो काम नगरपालिकाले नगरसभाबाट पारित आर्थिक ऐनमा तोकेको दरमा मात्र कर उठाउनु भएको र दर घटी वा बढी हुँदा आफूलाई कुनै नाफा वा घाटा नहुने बताएका छन्। बोलपत्रको न्यूनतम रकम समेत आर्थिक ऐनमा तोकिएको दरकै आधारमा निर्धारण हुने भएकाले सो प्रक्रियामा आफ्नो कुनै प्रभाव वा भूमिका नरहेको र निकासी कर अप्रत्यक्ष कर भएकाले आफ्नो आय घट्ने वा बढ्ने कुरा सामग्रीको गुणस्तर र बजार मागमा मात्र भर पर्ने जिकिर गरेका छन्। सामान्य व्यवसायीले नगरसभाको कानून निर्माण प्रक्रियामा प्रभाव पार्न नसक्ने भन्दै मतियारको रूपमा कुनै कसुरमा सहयोग नगरेको जनाई सफाइको माग गरेका थिए।\n\n****खानी/क्रसर उद्योग सञ्चालकहरूको बयानः****  \nसजिलो रोडा ढुङ्गा उद्योग प्रा.लि.का शशिराज शाही, मछिन्द्रनाथ मल्टीप्रपोज प्रा.लि.का केदारनाथ तिमल्सिना, निराकार ढुङ्गा रोडा उद्योग प्रा.लि.का मधुसुदन डोटेल र वीरेन्द्र महर्जन ढुङ्गा उद्योग प्रा.लि.का वीरेन्द्र महर्जनले निकासी कर अप्रत्यक्ष करको स्वरूपमा रहेको र सो कर ढुवानीकर्ताले भुक्तानी गरी अन्तिम उपभोक्ताबाट असुली गर्ने भएकाले आफूहरूसँग नगरपालिकाले तोकेको दर वा सो करसँग कुनै सरोकार वा सम्बन्ध नरहेको जिकिर गरेका छन्। खानी व्यवसायीले सामग्री बिक्री गर्दा निकासी कर नलाग्ने र सो कर ढुवानीको क्रममा सडकमा मात्र असुल हुने भन्दै दर घटी वा बढी हुँदा आफूहरूलाई कुनै लाभ वा नोक्सानी नहुने बताएका छन्। वीरेन्द्र महर्जनले थप, अभियोगपत्रमा उल्लिखित वीरेन्द्र महर्जन ढुङ्गा उद्योग प्रा.लि.को आफू संचालक नै नरहेको समेत दाबी गरेका छन्। यी सबै प्रतिवादीले मतियारको रूपमा कसैलाई सहयोग नगरेको र आफूहरू निर्दोष रहेको भन्दै अभियोग दाबीबाट सफाइको माग गरेका छन्।\n\n****विशेष अदालतको निर्णयको सार****\n\nविशेष अदालतले यस मुद्दामा मुख्यतः निम्न प्रश्नहरूमा न्याय निरूपण गर्नुपरेको देखिएको थियो:  \nक) स्थानीय तहलाई आफ्नो क्षेत्राधिकारभित्र निकासी शुल्कको दर निर्धारण गर्ने अधिकार रहेको छ, छैन?  \nख) गोदावरी नगरपालिकाले तोकेको दर बागमती प्रदेशको आर्थिक ऐनसँग बाझिएको हो वा होइन, र यसको निरूपण गर्ने अधिकार विशेष अदालतलाई नै छ वा छैन?  \nग) प्रतिवादीहरूले घटी दर तोक्दा बदनियत (Malafide intention) रहेको प्रमाणित भएको छ वा छैन?\n\nअदालतले नेपालको संविधानको धारा ५६, ५७(७), २२१, २२६ र २२८ लगायतका व्यवस्थाको आधारमा, स्थानीय तहलाई आफ्नो अधिकारक्षेत्रभित्र कानून बनाई कर निर्धारण गर्ने अधिकार संविधानले नै प्रदान गरेको कुरा स्पष्ट पार्यो। स्थानीय सरकार सञ्चालन ऐन, २०७४ को दफा ६४ खारेज भई सोको सट्टा दफा ६२क थपिएपछि र दफा ११(२)(घ)(६) समेतको आधारमा निकासी शुल्क लगायतका दर तोक्ने अधिकार प्रदेश सरकारसँग नरही स्थानीय तहमै रहेको निष्कर्ष अदालतले निकाल्यो।\n\nगोदावरी नगरपालिकाले बागमती प्रदेशको आर्थिक ऐनसँग बाझिने गरी कानून बनाएको हो वा होइन भन्ने प्रश्न आफैमा संविधानको धारा १३३ र १३७ अन्तर्गत सर्वोच्च अदालतको संवैधानिक इजलासको क्षेत्राधिकारभित्र पर्ने भई विशेष अदालतले परीक्षण गर्न नमिल्ने ठहर गर्यो। साथै, उक्त ऐन नगरसभाबाट सर्वसम्मत रूपमा पारित भई हाल कायम रहेको भएकाले, सो कानून कार्यान्वयन गर्ने कार्यपालिका पदाधिकारी र कर्मचारीलाई मात्र उत्तरदायी बनाई अभियोजन गर्न नमिल्ने अदालतले ठहर गर्यो।\n\nअदालतले थप विश्लेषण गर्दै, विवादित निकासी शुल्क नगरपालिकाको सार्वजनिक सम्पत्तिबाट नभई खानी विभागबाट स्वीकृति प्राप्त गरी व्यक्तिको निजी दर्ता जग्गाबाट उत्खनन भएको खनिज पदार्थसँग सम्बन्धित रहेको र सो निजी सम्पत्ति नगरपालिकाले आफैं बिक्री गर्न नपाए पनि निकासी हुँदा शुल्क असुल गर्न बन्देज नरहेको ठहर गर्यो। बागमती प्रदेश आर्थिक ऐनले परिभाषित गरेको \"दहत्तर बहत्तर\" शुल्क र गोदावरी नगरपालिकाले तोकेको \"निकासी शुल्क\" फरक-फरक विषयवस्तु भएकाले प्रदेश ऐनसँग प्रत्यक्ष तुलना गर्न नमिल्ने समेत विशेष अदालतले ठहर गर्यो। भ्रष्टाचारको कसुर स्थापित हुन चाहिने बदनियत प्रत्यक्ष प्रमाणबाट पुष्टि हुनुपर्नेमा, प्रतिवादीहरूले नगरसभाबाट पारित कानून कार्यान्वयन गरेकोसम्म मात्र देखिएकाले बदनियत रहेको पुष्टि हुन नसक्ने निष्कर्षमा अदालत पुग्यो। साथै, आरोप दाबी अनुसार पनि प्रतिवादीहरूले आर्थिक ऐनमा तोकिए भन्दा घटी दर निर्धारण गरेको आरोप नरहेकाले भ्रष्टाचार निवारण ऐन, २०५९ को दफा ७(ख) अन्तर्गतको कसुर नभएको अदालतले ठहर गर्यो।\n\n****अन्तिम ठहर****\n\nअदालतले प्रतिवादीहरू गजेन्द्र महर्जन, मुना अधिकारी, प्रविन कोइराला, श्रीकण्ठ घिमिरे, रवि महर्जन, कर्मा कन्स्ट्रक्सन, मधुसुदन डोटेल, निराकार ढुङ्गा रोडा उद्योग प्रा.लि., केदारनाथ तिमल्सिना, मछिन्द्रनाथ मल्टीप्रपोज प्रा.लि., शशिराज शाही, सजिलो रोडा ढुङ्गा उद्योग प्रा.लि., वीरेन्द्र महर्जन र वीरेन्द्र महर्जन ढुङ्गा उद्योग प्रा.लि. — सबैलाई अभियोग दाबीबाट सफाइ दियो। साथै, सफाइ पाएका प्रतिवादीहरूले मुद्दाको पुर्पक्षका क्रममा दाखिला गरेको धरौटी रकम माग गरेमा नियमानुसार फिर्ता दिने आदेश समेत भयो।\n\n| सि.नं. | प्रतिवादीको नाम                                   | निर्णय | कैफियत |\n| ------ | ------------------------------------------------- | ------ | ------ |\n| १      | गजेन्द्र महर्जन (तत्कालीन नगरप्रमुख)              | सफाइ   | —      |\n| २      | मुना अधिकारी (तत्कालीन नगर उपप्रमुख)              | सफाइ   | —      |\n| ३      | प्रविन कोइराला (तत्कालीन प्रमुख प्रशासकीय अधिकृत) | सफाइ   | —      |\n| ४      | श्रीकण्ठ घिमिरे (राजस्व शाखा प्रमुख)              | सफाइ   | —      |\n| ५      | रवि महर्जन                                        | सफाइ   | —      |\n| ६      | कर्मा कन्स्ट्रक्सन                                | सफाइ   | —      |\n| ७      | मधुसुदन डोटेल                                     | सफाइ   | —      |\n| ८      | निराकार ढुङ्गा रोडा उद्योग प्रा.लि.               | सफाइ   | —      |\n| ९      | केदारनाथ तिमल्सिना                                | सफाइ   | —      |\n| १०     | मछिन्द्रनाथ मल्टीप्रपोज प्रा.लि.                  | सफाइ   | —      |\n| ११     | शशिराज शाही                                       | सफाइ   | —      |\n| १२     | सजिलो रोडा ढुङ्गा उद्योग प्रा.लि.                 | सफाइ   | —      |\n| १३     | वीरेन्द्र महर्जन                                  | सफाइ   | —      |\n| १४     | वीरेन्द्र महर्जन ढुङ्गा उद्योग प्रा.लि.           | सफाइ   | —      |\n\n\n**पुनरावेदन**\n\nउक्त फैसला विरुद्ध सर्वोच्च अदालतमा पुनरावेदन दर्ता भएको छ। उक्त पुनरावेदन (मुद्दा नं. ०८२-CR-०९४०) हाल सर्वोच्च अदालतमा विचाराधीन रहेको छ।","key_allegations":["प्रतिवादीहरूले आपसी मिलेमतोमा गोदावरी नगरपालिकाको आर्थिक वर्ष २०७९/०८० को निकासी शुल्क दर बागमती प्रदेश सरकारले निर्धारण गरेको प्रति घनफिट रु.९।- भन्दा घटी प्रति घनफिट रु.२.७५।- मात्र तोकी राजस्व चुहावट गरेको आरोप लगाइएको,","प्रतिवादीहरूले घटी दरको माध्यमबाट ठेकेदार तथा खानी उद्योग व्यवसायीहरूलाई अनुचित लाभ पुर्‍याई नेपाल सरकार, बागमती प्रदेश सरकार र गोदावरी नगरपालिकालाई आर्थिक हानि पुर्‍याएको,","नगरपालिकाका केही पदाधिकारीहरूले आर्थिक वर्ष २०७५/०७६ र २०७६/०७७ को राजस्व परामर्श समितिको बैठक निर्णयसम्बन्धी सरकारी कागजात अख्तियार समक्ष उपलब्ध नगराई लुकाएको वा नष्ट गरेको,","प्रतिवादीहरू विरुद्ध भ्रष्टाचार निवारण ऐन, २०५९ को दफा ७(ख) बमोजिम राजस्व चुहावटसम्बन्धी कसुरमा, दफा २२ बमोजिम मतियार कसुरमा र दफा १२ बमोजिम कागजात लुकाएको/नष्ट गरेको कसुरमा अभियोग दायर गरिएको।"],"timeline":[{"date":"2022-06-10","title":"राजस्व परामर्श समितिको दर निर्धारण निर्णय (आरोपित)","date_bs":"2079-02-27","description":"उपप्रमुख मुना अधिकारीको संयोजकत्वमा राजस्व परामर्श समितिले आ.व.२०७९/०८० का लागि निकासी कर प्रति घनफिट रु.२.७५ र न्यूनतम कबोल अंक रु.१०,३७,०६,५९८।५० तोक्ने निर्णय गरेको आरोप।"},{"date":"2022-06-12","title":"नगर कार्यपालिकाबाट दर सदर गरेको (आरोपित)","date_bs":"2079-02-29","description":"नगरप्रमुख गजेन्द्र महर्जनको अध्यक्षतामा नगर कार्यपालिकाले निकासी कर रु.२.७५ प्रति घनफिट सदर गरेको आरोप।"},{"date":"2022-06-15","title":"निकासी कर ठेक्काको बोलपत्र सूचना प्रकाशन (आरोपित)","date_bs":"2079-03-01","description":"ढुङ्गा, गिट्टी, रोडा, बालुवा, माटोको निकासी कर ठेक्का नं.०१/internal resources/०७८/०७९ को बोलपत्र आह्वान सूचना राजधानी दैनिकमा प्रकाशित।"},{"date":"2022-06-22","title":"अख्तियारमा उजुरी निवेदन दर्ता","date_bs":"2079-03-08","description":"सरकारी दररेटभन्दा कम कर लिई वार्षिक करोडौं राजस्व हिनामिना गरेको भन्ने मूल उजुरी (उ.द.नं. C-०४६९९१) दर्ता।"},{"date":"2022-06-24","title":"बजेट पेस तथा नगरसभाबाट आर्थिक ऐन अनुमोदन (आरोपित)","date_bs":"2079-03-10","description":"उपप्रमुख मुना अधिकारीद्वारा बजेट पेस र नगरसभाले निर्णय नं.१०९ बाट दर रु.२.७५ सहितको आर्थिक ऐन, २०७९ अनुमोदन गरेको।"},{"date":"2022-07-16","title":"बोलपत्र मूल्यांकन समितिको निर्णय (आरोपित)","date_bs":"2079-03-32","description":"सत्यनारायण लाखेको अध्यक्षतामा मूल्यांकन समितिले कर्मा कन्स्ट्रक्सनको भ्याटसहित रु.१३,०६,२२,७७६।०१ को कबोललाई सर्वाधिक ठहर्‍याएको।"},{"date":"2022-08-09","title":"कर्मा कन्स्ट्रक्सनसँग ठेक्का सम्झौता (आरोपित)","date_bs":"2079-04-24","description":"प्रति घनफिट रु.२.७५ शुल्कमा, संकलन अवधि २०७९ साउनदेखि २०८० असार मसान्तसम्मको ठेक्का सम्झौता।"},{"date":"2023-01-30","title":"कर्मा कन्स्ट्रक्सनबाट ठेक्का भुक्तानीहरू (आरोपित)","date_bs":"2079-10-16","description":"ठेक्का बमोजिमका भुक्तानी किस्ताहरू: रु.२,९८,२२,७७६ (२०७९/१०/१६), रु.१,०८,००,००० (२०७९/१२/०८), रु.२ करोड (२०८०/०३/२६) र रु.१ करोड (२०८०/०३/२७)।"},{"date":"2024-04-25","title":"अख्तियारमा उजुरी टुक्रा भई नयाँ दर्ता","date_bs":"2081-01-13","description":"मूल उजुरी टुक्रा भई यस मुद्दाको अनुसन्धानका लागि नयाँ दर्ता भएको।"},{"date":"2024-06-03","title":"अख्तियारको प्रेस विज्ञप्ति: आरोपपत्र दायर","date_bs":"2081-02-21","description":"गोदावरी न.पा.का तत्कालीन नगरप्रमुख गजेन्द्र महर्जनसमेत ९ जना र प्रा.लि.उपर रु.२६,६३,३७,३९८।१२ राजस्व चुहावट गरी भ्रष्टाचार गरेको सम्बन्धी आरोपपत्र दायर भएको प्रेस विज्ञप्ति।"},{"date":"2024-06-03","title":"विशेष अदालतमा आरोपपत्र दायर / मुद्दा दर्ता","date_bs":"2081-02-21","description":"अख्तियारले भ्रष्टाचार निवारण ऐन, २०५९ को दफा ७(ख) (साथै राष्ट्रसेवकमाथि दफा १२ र व्यवसायीमाथि दफा २२) बमोजिम रु.२६.६३ करोड बिगो कायम गरी विशेष अदालत काठमाडौंमा आरोपपत्र दायर (मुद्दा नं.०८०-CR-०१८५)।"},{"date":"2024-08-14","title":"विशेष अदालतको फैसला: सबै प्रतिवादीलाई सफाई","date_bs":"2081-04-30","description":"इजलास (टेकनारायण कुँवर, तेज नारायण सिंह राई, रितेन्द्र थापा) ले दर निर्धारण नगरसभाबाट सर्वसम्मत पारित आर्थिक ऐनबमोजिम भएको, बदनियत पुष्टि नभएको र कानून बाझिएको प्रश्न सर्वोच्चको संवैधानिक इजलासको क्षेत्राधिकार भएको ठहर गर्दै सबै ९ प्रतिवादीलाई सफाई दिएको।"},{"date":"2025-12-26","title":"अख्तियारको सर्वोच्च अदालतमा पुनरावेदन","date_bs":"2082-09-11","description":"विशेष अदालतले मिति २०८१।०४।३० मा गजेन्द्र महर्जनसमेत सबै प्रतिवादीलाई दिएको सफाई फैसलाविरुद्ध अख्तियार दुरुपयोग अनुसन्धान आयोगले मिति २०८२।०९।११ मा सर्वोच्च अदालतमा पुनरावेदन दर्ता गरेको — मुद्दा नं. ०८२-CR-०९४०। गोदावरी निकासी-करसम्बन्धी ५ वटा मुद्दामा एकै दिन फरक-फरक पुनरावेदन दर्ता भएको। पुनरावेदन हाल विचाराधीन रहेको।"}],"ai_generated_sections":[],"evidence":[{"material_iri":"https://jawafdehi.org/material/ciaa_press_release/2681","additional_details":"यो प्रेस विज्ञप्ति यस मुद्दा (080-CR-0185) को आरोपपत्र दायर भएको र प्रतिवादी, बिगो रकम तथा कसुर मागदाबी पुष्टि गर्ने प्राथमिक अभिलेख हो, जसले निकासी कर दर रु. ९ को सट्टा रु. २.७५ निर्धारण गरी रु. २६.६३ करोड राजस्व चुहावट भएको र खानी/क्रसर व्यवसायीलाई प्रति घनफिट रु. ६.२५ प्रत्यक्ष लाभ पुगेको मूल आरोपलाई प्रत्यक्ष रूपमा समर्थन गर्छ। यसले गजेन्द्र महर्जनसमेत सरकारी पदाधिकारीहरूको मुख्य कसुर र कर्मा कन्स्ट्रक्सनसहित उद्योगहरूको मतियारी संलग्नतासम्बन्धी आरोपको आधिकारिक अभियोजन आधार स्थापित गर्छ।","material":{"display_name":"जिल्ला ललितपुर, गोदावरी नगरपालिकाका तत्कालीन नगरप्रमुख गजेन्द्र महर्जन, तत्कालीन नगर उपप्रमुख मुना अधिकारीसमेत ९ जना र प्रा.लि.उपर राजस्व चुहावट गरी भ्रष्टाचार गरेको सम्बन्धी आरोप-पत्र दायर।(आ.ब. २०७९/०८०)","material_type":"press_release","urls":[{"link":"https://ngm-store.jawafdehi.org/uploads/ciaa/press-releases/files/2681. जिल्ला ललितपुर, गोदावरी नगरपालिकाका तत्कालीन नगरप्रमुख गजेन्द्र महर्जन, तत्कालीन नगर - 2.pdf","role":"RAW"},{"link":"https://ngm-store.jawafdehi.org/uploads/ciaa/press-releases/files/2681. जिल्ला ललितपुर, गोदावरी नगरपालिकाका तत्कालीन नगरप्रमुख गजेन्द्र महर्जन, तत्कालीन नगर - 1.doc","role":"ALTERNATE"},{"link":"https://ciaa.gov.np/pressrelease/2681","role":"SOURCE_PAGE"}]}},{"material_iri":"https://jawafdehi.org/material/court_order/special.080-cr-0185","additional_details":"यो दस्तावेज यस मुद्दाको प्राथमिक न्यायिक अभिलेख हो, जसले प्रति घनफिट रु.९ को सट्टा रु.२.७५ दर निर्धारण गरी रु. २६.६३ करोडभन्दा बढी राजस्व चुहावट गरेको र क्रसर तथा खानी व्यवसायीलाई प्रत्यक्ष लाभ पुर्‍याएको आरोपसँग प्रत्यक्ष सम्बन्ध राख्दछ। दररेट निर्धारणका कार्यपालिका/राजस्व परामर्श समितिका निर्णय, ठेक्का सम्झौता र प्रतिवादीहरूको बयान उद्धृत गर्ने हुनाले यो दर निर्धारण प्रक्रिया तथा संलग्न पात्रहरूको भूमिकासम्बन्धी आरोपको आधारभूत प्रमाणका रूपमा रहन्छ।","material":{"display_name":"Special Court verdict: 080-CR-0185 · Revenue leakage","material_type":"court_order","urls":[{"link":"https://s3.jawafdehi.org/case_uploads/court-orders/special/080-CR-0185.1.docx","role":"RAW"}]}},{"material_iri":"https://jawafdehi.org/material/news/20260608.dd324f3c","additional_details":"यो समाचार रिपोर्ट (राइजिङ नेपाल/RSS, २०२६ जुन २१) ले अख्तियार दुरुपयोग अनुसन्धान आयोगले गोदावरी नगरपालिकाका तत्कालीन नगरप्रमुख गजेन्द्र महर्जन र उपप्रमुख मुना अधिकारीसमेत नौ जनाविरुद्ध विशेष अदालतमा रु. २६ करोड ६६ लाख (Rs 266 million) राजस्व चुहावट भ्रष्टाचार मुद्दा दायर गरेको तथ्य पुष्टि गर्ने पृष्ठभूमिगत/समर्थनकारी अभिलेख हो, जसले निकासी कर ठेक्का–राजस्व चुहावटसम्बन्धी मुख्य अभियोग र अभियुक्तहरूको सूचीलाई मिडिया स्रोतबाट प्रमाणित गर्छ। यो प्राथमिक न्यायिक अभिलेख नभई अभियोगपत्र दायरको सार्वजनिक खबरमा आधारित द्वितीयक corroboration मात्र भएकाले अभियोगका विवरणका लागि मूल अभियोगपत्रसँग पुष्टि गरिनुपर्छ।","material":{"display_name":"Case of corruption filed against Godavari ex-mayor and deputy","material_type":"news","urls":[{"link":"https://risingnepaldaily.com/news/43935","role":"RAW"},{"link":"https://s3.jawafdehi.org/case_uploads/49bd7fecb3b58501a296619a101aba33021f76cffbc5f65817beff2b10be1e85.md","role":"MARKDOWN"},{"link":"https://web.archive.org/web/20260612200021/https://risingnepaldaily.com/news/43935","role":"PERMALINK"}]}},{"material_iri":"https://jawafdehi.org/material/news/20260608.fefc17b7","additional_details":"यो समाचार विशेष अदालतले गोदावरी नगरपालिकाका नगरप्रमुख गजेन्द्र महर्जन र नगर उपप्रमुख मुना अधिकारीसमेत १४ जनालाई सफाइ दिएको फैसलाको प्रत्यक्ष अभिलेख भएकाले यस मुद्दा (080-CR-0185) को न्यायिक परिणामसम्बन्धी प्राथमिक स्रोतका रूपमा रहन्छ। यसले निकासी कर दर घटाई राजस्व चुहावट गराएको भन्ने मूल अभियोगबमोजिमको कसुर ठहर नभई प्रतिवादीहरू सफाइ पाएको कुरालाई पुष्टि गर्दछ, र अदालतले कानूनबमोजिमको निकासी कर असुली भ्रष्टाचार निवारण ऐन, २०५९ को दफा ७(ख) अन्तर्गतको कसुर नहुने भनी गरेको व्याख्यासमेत समेट्छ।","material":{"display_name":"Special Court acquits Godavari mayor, 13 others in corruption case – HimalPress | English","material_type":"news","urls":[{"link":"https://en.himalpress.com/special-court-acquits-godavari-mayor-13-others-in-corruption-case/","role":"RAW"},{"link":"https://s3.jawafdehi.org/case_uploads/7c9701da14dbddd6174fafea726325fe9bd45a0cd3a4cac1a07792a3302ad3d7.md","role":"MARKDOWN"},{"link":"https://web.archive.org/web/20250120051901/https://en.himalpress.com/special-court-acquits-godavari-mayor-13-others-in-corruption-case/","role":"PERMALINK"}]}},{"material_iri":"https://jawafdehi.org/material/news/20260608.b9218c7b","additional_details":"यो Setopati समाचार लेख यस मुद्दाको न्यायिक प्रक्रियागत स्थितिबारे पृष्ठभूमि सन्दर्भ सामग्री हो — विशेष अदालतले मिति अगस्ट १४, २०२४ मा नगरप्रमुख गजेन्द्र महर्जनसहित १४ जनालाई सफाइ दिएको र अख्तियार दुरुपयोग अनुसन्धान आयोगले सो फैसलाविरुद्ध सर्वोच्च अदालतमा पुनरावेदन दर्ता गरेको तथ्य अभिलेख गर्छ। यसले प्रदेश कानूनले तोकेको दरभन्दा कम दरमा निकासी कर असुली गरी राजस्व चुहावट गराएको मुख्य आरोपको मुद्दा अवस्था र पुनरावेदनसम्बन्धी गौण/प्रासंगिक प्रमाणका रूपमा भूमिका राख्छ, मूल कारोबारको प्राथमिक अभिलेखका रूपमा होइन।","material":{"display_name":"CIAA appeals Supreme Court against acquittal of former Godawari mayor, 13 others :: Setopati :: Setopati","material_type":"news","urls":[{"link":"https://en.setopati.com/social/165668","role":"RAW"},{"link":"https://s3.jawafdehi.org/case_uploads/8a5758d588f6d2ff3dae5e841fba3ce3d0d9bac72d12079295789a33a09dec2d.md","role":"MARKDOWN"},{"link":"https://web.archive.org/web/20260623004751/https://en.setopati.com/social/165668","role":"PERMALINK"}]}},{"material_iri":"https://jawafdehi.org/material/news/20260608.36b90c7e","additional_details":"कान्तिपुरमा प्रकाशित यो समाचार लेख गोदावरी नगरपालिकाका नगरप्रमुख गजेन्द्र महर्जन र उपप्रमुख मुना अधिकारीसमेत १४ जनाविरुद्ध अख्तियार दुरुपयोग अनुसन्धान आयोगले मिति २१ मे (२०२४) मा खानीजन्य तथा खनिज पदार्थको निकासी राजस्व हिनामिनाको आरोपमा विशेष अदालतमा मुद्दा दायर गरी निलम्बन भएको तथ्यलाई पुष्टि गर्ने सहायक/पृष्ठभूमि सामग्री हो, जुन यस मुद्दामा अभियुक्तविरुद्ध औपचारिक मुद्दा दायरी र पदबाट निलम्बन भएको दाबीलाई समर्थन गर्छ। यो दर निर्धारण वा राजस्व चुहावटको रकम सम्बन्धी प्राथमिक अभिलेख नभई प्रेस प्रतिवेदनमा आधारित परिप्रेक्ष्यगत प्रमाण मात्र हो।","material":{"display_name":"Mayor and deputy mayor suspended, three municipalities leaderless - कान्तिपुर","material_type":"news","urls":[{"link":"https://ekantipur.com/en/news/2024/06/14/mayor-and-deputy-mayor-suspended-three-municipalities-leaderless-26-53.html","role":"RAW"},{"link":"https://s3.jawafdehi.org/case_uploads/678dbff8d9d1f4e7877eb6f601e5ada868b74705b7c7925598168fae1506cef8.md","role":"MARKDOWN"},{"link":"https://web.archive.org/web/20260623004936/https://ekantipur.com/news/2024/06/14/en/mayor-and-deputy-mayor-suspended-three-municipalities-leaderless-26-53.html","role":"PERMALINK"}]}}],"notes":"","court_cases":["https://jawafdehi.org/courtcase/special/080-cr-0185","https://jawafdehi.org/courtcase/supreme/082-cr-0940"],"missing_details":"१.यस मुद्दाको आरोपपत्र सार्वजनिक भएको छैन भने यसमा उल्लिखित विवरणहरु विशेष अदालतको फैसलामा आधारित छन्।\n२.सर्वोच्च अदालतमा परेको पुनरावेदनको पुर्णपाठ ।","bigo":266337398,"weight":0,"versionInfo":{"action":"published","datetime":"2026-08-08T16:22:26.596670+00:00"},"created_at":"2026-05-05T20:41:39.870909+05:45","updated_at":"2026-09-10T13:35:00.584712+05:45"}