{"id":57,"slug":"gajendra-maharjan-080-cr-0184-revenue-fy2078","public_iri":"https://jawafdehi.org/case/gajendra-maharjan-080-cr-0184-revenue-fy2078","offence_type":"CORRUPTION","case_type":"CORRUPTION","state":"PUBLISHED","title":"गोदावरीको निकासी कर ठेक्कामा रु. २०.४९ करोड राजस्व चुहावट (आ.व. २०७८/०७९): नगरप्रमुख गजेन्द्र महर्जन विरुद्ध मुद्दा (080-CR-0184)","short_description":"गोदावरी नगरपालिकाका तत्कालीन नगर प्रमुख, नगर उपप्रमुख, प्रमुख र अन्य पदाधिकारीले नगरपालिका क्षेत्रभित्रबाट निकासी हुने ढुङ्गा, गिट्टी, बालुवा, ग्राभेल र माटोको निकासी शुल्कको दर बागमती प्रदेश आर्थिक ऐन, २०७८ ले तोकेको प्रति घनफिट रु.९।- भन्दा घटी प्रति घनफिट रु.२.७५।- मात्र निर्धारण गरी ठेकेदार , कन्स्ट्रक्सन तथा खानी उद्योग/क्रसर व्यवसायीहरूलाई गैरकानूनी लाभ पुर्‍याएको र सोबाट नेपाल सरकार, बागमती प्रदेश सरकार र गोदावरी नगरपालिकालाई आर्थिक वर्ष २०७८/०७९ मा रु.२०,४९,५३,७५०।- राजस्व चुहावट/हानिनोक्सानी पुर्‍याएको भनि अख्तियार दुरुपयोग अनुसन्धान आयोगले आरोपपत्र दायर गरेको थियो। विशेष अदालतले नगरपालिकालाई आफ्नो क्षेत्राधिकारभित्र यस्तो निकासी शुल्कको दर तोक्ने अधिकार रहेको र प्रतिवादीहरूको कार्यमा बदनियत रहेको शंकारहित तवरबाट पुष्टि हुन नसकेको ठहर गर्दै विशेष अदालतले सबै प्रतिवादीहरूलाई उक्त आरोप दाबीबाट सफाइ दिएको थियो ।","authors":[{"slug":"subodh-kandel","display_name":"Subodh Kandel","name_ne":"सुबोध कँडेल","photo_url":"https://jawafdehi.org/assets/teammembers/subodh.webp","title":"Caseworker","has_public_page":true}],"case_publish_date":"2026-07-29","public_edit_history":[],"public_notes":"**Drafted by Subodh Kandel**\n**First published on 2082/04/13**","thumbnail":{"src":"https://s3.jawafdehi.org/case_uploads/1df360b68588f250846f1d7da06e8810f12a7caa424ceb609ed0bf5376f1a22a.webp","srcset":"https://s3.jawafdehi.org/case_uploads/e2a7839fe42a749fc762216156075ec34feaffd3be6128757c384b764db47acb.webp 400w, https://s3.jawafdehi.org/case_uploads/e0b8a064fe6e95124209664adb635fe6c69c411161190ede3628093241e57a80.webp 800w, https://s3.jawafdehi.org/case_uploads/1df360b68588f250846f1d7da06e8810f12a7caa424ceb609ed0bf5376f1a22a.webp 1200w","width":1200,"height":675,"alt":""},"banner":{"src":"https://s3.jawafdehi.org/case_uploads/ef40ccef6f853161ab3fdd009f8f452a1c998977d460f73b49a27ba4ab35df65.webp","srcset":"https://s3.jawafdehi.org/case_uploads/8c3d1efdac9c6d5b37ca17cdc9cda524e1c9d260ba04e7c7c42667ed77e9d5f1.webp 640w, https://s3.jawafdehi.org/case_uploads/16b02510d4b4fd5adbe7fbfc40ca342031f565a7fb725487260ca154391c54f9.webp 1280w, https://s3.jawafdehi.org/case_uploads/ef40ccef6f853161ab3fdd009f8f452a1c998977d460f73b49a27ba4ab35df65.webp 1600w","width":1600,"height":704,"alt":""},"thumbnail_image_id":378,"banner_image_id":294,"thumbnail_url":"","banner_url":"","case_start_date":"2024-06-03","case_end_date":"2024-08-14","dates":{"stages":[{"end":"2024-08-14","stage":"initial","start":"2024-06-03","courtcase_iri":"https://jawafdehi.org/courtcase/special/080-cr-0184"}]},"status":"concluded","case_track":null,"status_override":null,"proceedings_started_on":"2024-06-03","proceedings_decided_on":"2024-08-14","appeal_verdicts":{},"appeal_parties":{},"entities":[{"nes_id":"https://jawafdehi.org/entity/organization/khani-tatha-bhugarbha-vibhaga-9829ae","display_name":"Department of Mines and Geology","entity_type":"Organization","type":"related","outcome":null,"notes":"खानी सञ्चालन स्वीकृति तथा माइनिङ स्किम स्वीकृत गर्ने संघीय निकाय","name":{"en":"Department of Mines and Geology","ne":"खानी तथा भूगर्भ विभाग"},"image":null},{"nes_id":"https://jawafdehi.org/entity/person/gajendra-maharjana-2c437c","display_name":"Gajendra Maharjan","entity_type":"Person","type":"accused","outcome":"acquitted","notes":"तत्कालीन नगर प्रमुख, गोदावरी नगरपालिका — नगर कार्यपालिकाको बैठकबाट घटी दर अनुमोदन गराएको (मुख्य प्रतिवादी)","name":{"en":"Gajendra Maharjan","ne":"गजेन्द्र महर्जन"},"image":null},{"nes_id":"https://jawafdehi.org/entity/person/muna-adhikari-c2dea9","display_name":"Muna Adhikari","entity_type":"Person","type":"accused","outcome":"acquitted","notes":"तत्कालीन नगर उपप्रमुख, गोदावरी नगरपालिका — राजस्व परामर्श समितिको संयोजक","name":{"en":"Muna Adhikari","ne":"मुना अधिकारी"},"image":null},{"nes_id":"https://jawafdehi.org/entity/person/virendradeva-bharati-eb2d54","display_name":"Birendradev Bharati","entity_type":"Person","type":"accused","outcome":"acquitted","notes":"तत्कालीन प्रमुख प्रशासकीय अधिकृत, गोदावरी नगरपालिका — ठेक्का सम्झौता गर्ने","name":{"en":"Birendradev Bharati","ne":"वीरेन्द्रदेव भारती"},"image":null},{"nes_id":"https://jawafdehi.org/entity/person/srirama-acarya-de778e","display_name":"Shriram Acharya","entity_type":"Person","type":"accused","outcome":"acquitted","notes":"तत्कालीन राजस्व शाखा प्रमुख — राजस्व परामर्श समितिको सदस्य सचिव","name":{"en":"Shriram Acharya","ne":"श्रीराम आचार्य"},"image":null},{"nes_id":"https://jawafdehi.org/entity/person/ravi-maharjana-e8e73c","display_name":"Ravi Maharjan","entity_type":"Person","type":"accused","outcome":"acquitted","notes":"सञ्चालक, कर्मा कन्स्ट्रक्सन — मतियार","name":{"en":"Ravi Maharjan","ne":"रवि महर्जन"},"image":null},{"nes_id":"https://jawafdehi.org/entity/organization/contractor/karma-construction","display_name":"Karma Construction","entity_type":"Organization","type":"accused","outcome":"acquitted","notes":"आ.व. २०७८/०७९ को निकासी कर ठेक्का पाएको ठेकेदार फर्म — मतियार","name":{"en":"Karma Construction","ne":"कर्मा कन्स्ट्रक्सन"},"image":null},{"nes_id":"https://jawafdehi.org/entity/person/madhusudana-dotela-265c78","display_name":"Madhusudan Dotel","entity_type":"Person","type":"accused","outcome":"acquitted","notes":"सञ्चालक, निराकार ढुङ्गा रोडा उद्योग प्रा.लि. — मतियार","name":{"en":"Madhusudan Dotel","ne":"मधुसुदन डोटेल"},"image":null},{"nes_id":"https://jawafdehi.org/entity/person/kedaranatha-timalsina-36efe1","display_name":"Kedarnath Timsina","entity_type":"Person","type":"accused","outcome":"acquitted","notes":"सञ्चालक, मछिन्द्रनाथ मल्टीप्रपोज प्रा.लि. — मतियार","name":{"en":"Kedarnath Timsina","ne":"केदारनाथ तिमल्सिना"},"image":null},{"nes_id":"https://jawafdehi.org/entity/organization/machhindranath-multipurpose-pvt-ltd","display_name":"Machhindranath Multipurpose Pvt. Ltd.","entity_type":"Organization","type":"accused","outcome":"acquitted","notes":"क्रसर/खानी उद्योग","name":{"en":"Machhindranath Multipurpose Pvt. Ltd.","ne":"मछिन्द्रनाथ मल्टीप्रपोज प्रा.लि."},"image":null},{"nes_id":"https://jawafdehi.org/entity/person/sasiraja-sahi-9fdd63","display_name":"Shashiraj Shahi","entity_type":"Person","type":"accused","outcome":"acquitted","notes":"सञ्चालक, सजिलो रोडा ढुङ्गा उद्योग प्रा.लि. — मतियार","name":{"en":"Shashiraj Shahi","ne":"शशीराज शाही"},"image":null},{"nes_id":"https://jawafdehi.org/entity/person/birendra-maharjan-ward-30802-28","display_name":"Birendra Maharjan","entity_type":"Person","type":"accused","outcome":"acquitted","notes":"सञ्चालक, वीरेन्द्र महर्जन ढुङ्गा उद्योग प्रा.लि. — मतियार","name":{"en":"Birendra Maharjan","ne":"विरेन्द्र महर्जन"},"image":null},{"nes_id":"https://jawafdehi.org/entity/organization/virendra-maharjana-dhumga-udyoga-pra-li-098ea0","display_name":"Birendra Maharjan Dhunga Industry Pvt. Ltd.","entity_type":"Organization","type":"accused","outcome":"acquitted","notes":"क्रसर/खानी उद्योग","name":{"en":"Birendra Maharjan Dhunga Industry Pvt. Ltd.","ne":"विरेन्द्र महर्जन ढुंगा उद्योग प्रा लि"},"image":null},{"nes_id":"https://jawafdehi.org/entity/organization/sajilo-dhumga-udyoga-pra-li-bac502","display_name":"Sajilo Dunga Industry Pvt. Ltd.","entity_type":"Organization","type":"accused","outcome":"acquitted","notes":"क्रसर/खानी उद्योग","name":{"en":"Sajilo Dunga Industry Pvt. Ltd.","ne":"सजिलो ढुंगा उद्योग प्रा लि"},"image":null},{"nes_id":"https://jawafdehi.org/entity/person/nirakara-dhunga-uddyoga-2d5da9","display_name":"Nirakar Dhunga Udyog","entity_type":"Organization","type":"accused","outcome":"acquitted","notes":"क्रसर/खानी उद्योग","name":{"en":"Nirakar Dhunga Udyog","ne":"निराकर ढुङ्गा उद्द्योग"},"image":null},{"nes_id":"https://jawafdehi.org/entity/location/godavari-nagarapalika-5cb60c","display_name":"Godavari Municipality","entity_type":"Place","type":"location","outcome":null,"notes":"निकासी कर ठेक्का बन्दोबस्त गर्ने नगरपालिका — राजस्वको ६०% हिस्सा","name":{"en":"Godavari Municipality","ne":"गोदावरी नगरपालिका"},"image":null},{"nes_id":"https://jawafdehi.org/entity/organization/jilla-vikasa-samiti-lalitapura-64683a","display_name":"District Development Committee, Lalitpur","entity_type":"Organization","type":"related","outcome":null,"notes":"साविकमा निकासी शुल्कको दर तोक्ने निकाय — दररेटको आधार","name":{"en":"District Development Committee, Lalitpur","ne":"जिल्ला विकास समिति, ललितपुर"},"image":null},{"nes_id":"https://jawafdehi.org/entity/location/district/lalitpur-np0325","display_name":"Lalitpur","entity_type":"AdministrativeArea,jawafdehi:District","type":"location","outcome":null,"notes":"मुद्दा सम्बन्धित जिल्ला","name":{"en":"Lalitpur","ne":"ललितपुर"},"image":null},{"nes_id":"https://jawafdehi.org/entity/location/province/bagmati-np03","display_name":"Bagmati Province","entity_type":"AdministrativeArea,jawafdehi:Province","type":"location","outcome":null,"notes":"मुद्दा सम्बन्धित प्रदेश","name":{"en":"Bagmati Province","ne":"वाग्मती प्रदेश"},"image":null}],"tags":["CIAA","Corruption","Local Government","Revenue","Revenue Leakage","Public Office Abuse","Lalitpur"],"description":"**सुचनार्थः**\nयो मुद्दा गोदावरी नगरपालिकाको निकासी कर शुल्क/राजस्व चुहावटसँग सम्बन्धित मुद्दा हो । यस्तै समान प्रकृतिका अन्य ४ वटा छुट्टाछुट्टै मुद्दाहरु छन्। अख्तियार दुरुपयोग अनुसन्धान आयोगले फरक-फरक आर्थिक वर्ष (२०७५/०७६ देखि २०७९/०८० सम्म) का लागि छुट्टाछुट्टै आरोपपत्र दायर गरेको हुनेले  समान प्रकृतीका ५ वटा मुद्दा दर्ता भएका हुन । प्रत्येक आर्थिक वर्षको ठेक्का र दरसम्बन्धी तथ्य फरक पर्ने हुनाले यस मुद्दामा उल्लेख गरिएको दर, विगो र ठेक्क उल्लेखित आर्थिक वर्षहरुमा मात्र सीमित रहनेछन्। \n\n**पृष्ठभुमी**\n\nगोदावरी नगरपालिका, ललितपुरको नगरक्षेत्रभित्र ढुङ्गा, गिट्टी, ग्राभेल, रोडा, बालुवा, माटो र खरिढुङ्गा जस्ता खानीजन्य/नदीजन्य साधारण निर्माणमुखी खनिज पदार्थको उत्खनन तथा निकासी हुँदै आएको थियो। यस्ता पदार्थमा लाग्ने निकासी शुल्कको दर प्रत्येक आर्थिक वर्षको आर्थिक ऐनमार्फत नगरपालिकाले तोक्दै आएको थियो र सो शुल्क संकलन गर्ने कार्य ठेक्का प्रणालीबाट सम्पन्न हुने गरेको थियो। आर्थिक वर्ष २०७८/०७९ का लागि यस्तै निकासी शुल्क संकलन गर्ने ठेक्का बन्दोबस्त गर्ने क्रममा राजस्व चुहावट भएको भनी प्रस्तुत मुद्दा दायर भएको थियो।\n\n\n****आरोपपत्रको सार****\n\nआरोपपत्र अनुसार गोदावरी नगरपालिकाका पदाधिकारीहरूले आफू, अन्य राष्ट्रसेवक प्रतिवादीहरूले ठेकेदार तथा खानी व्यवसायीहरूलाई गैरकानूनी लाभ पुर्‍याउने र नेपाल सरकार, बागमती प्रदेश सरकार तथा गोदावरी नगरपालिकालाई राजस्व चुहावट गरी हानिनोक्सानी पुर्‍याउने बदनियतले गोदावरी नगरपालिकाको राजस्व परामर्श समितिबाट मिति २०७८/०२/१९ गते बसेको बैठकबाट ढुङ्गा, गिट्टी, रोडा, बालुवा, ग्राभेल र माटोको निकासी शुल्कको दर प्रति घनफिट रु.२.७५।- र न्यूनतम कवोल अंक मूल्य अभिवृद्धि कर बाहेक रू.७,९८,०५,०००।- कायम गर्ने सिफारिस गराएको। मिति २०७८।०३।०७ गते नगरप्रमुख गजेन्द्र महर्जनको अध्यक्षतामा भएको नगर कार्यपालिकाको बैठकले सोही दरलाई अनुमोदन गरी सोही आधारमा मिति २०७८/०२/३० गते हिमालयन टाईम्समा ठेक्काको बोलपत्र आह्वान सूचना प्रकाशन गरेको र मिति २०७८।०४।०१ गतेदेखि लागू हुने गरी जारी भएको गोदावरी नगरपालिकाको आर्थिक ऐन, २०७८ को दफा १५ र अनुसूची-१४ मा उक्त प्रति घनफिट रु.२.७५।- को दर व्यवस्था गरेको।\n\nयस्तो दर तोक्दा बागमती प्रदेश आर्थिक ऐन, २०७८ को दफा ९ मा ढुङ्गा, गिट्टी, रोडा, बालुवा, ग्राभेल र माटोको बिक्री कर प्रति घनफिट रु.९।- तोकिएको कानुनी व्यवस्थालाई पूर्णतः बेवास्ता गरियो। उक्त बोलपत्रमा कर्मा कन्स्ट्रक्सन, माहर्जन निर्माण सेवा, ड्रामा कन्स्ट्रक्सन कम्पनी प्रा.लि., पीआर-तिमल्सेना जेभी र शिवा इन्जिनियरिङ एन्ड बिल्डर्स प्रा.लि. गरी जम्मा ५ स्थानीय फर्मले मात्र प्रस्ताव पेश गरेका थिए, जसमध्ये सबैभन्दा बढी कवोल अंक (भ्याटसहित रु.११,३६,७८,०००।-) पेश गर्ने कर्मा कन्स्ट्रक्सनले मिति २०७८/०४/०७ गते ठेक्का सम्झौता गर्‍यो। यसरी प्रदेश सरकारले तोकेको दर प्रति घनफिट रु.९।- को सट्टा रु.२.७५।- मात्र कायम गरिएकोले प्रति घनफिट रु.६.२५।- को प्रत्यक्ष लाभ निराकार ढुङ्गा रोडा उद्योग प्रा.लि., मछिन्द्रनाथ मल्टीप्रपोज प्रा.लि., सजिलो रोडा ढुङ्गा उद्योग प्रा.लि. र वीरेन्द्र महर्जन ढुङ्गा उद्योग प्रा.लि. लगायतका खानी उद्योग तथा क्रसर व्यवसायीहरूलाई पुर्‍याएको आरोपपत्रमा उल्लेख गरिएको छ।\n\n\n****प्रतिवादीहरूको भूमिका****\n\nगजेन्द्र महर्जन (तत्कालीन नगर प्रमुख): राजस्व परामर्श समितिको सिफारिसलाई आधार बनाई कार्यपालिकाको बैठकको अध्यक्षता गरी घटी दर कायम गर्ने निर्णय गराई अन्य प्रतिवादीहरू तथा खानी व्यवसायीहरूलाई गैरकानूनी लाभ पुर्‍याउने बदनियतले कार्य गरेको।\n\nमुना अधिकारी (तत्कालीन नगर उपप्रमुख): राजस्व परामर्श समितिको संयोजकको हैसियतमा रही नगर प्रमुखसँगै उक्त निर्णय प्रक्रियामा सहभागी भई गैरकानूनी लाभ पुर्‍याउने कार्यमा संलग्न भएको।\n\nबीरेन्द्रदेव भारती (तत्कालीन प्रमुख प्रशासकीय अधिकृत): कार्यपालिकाको बैठकबाट निर्णय गराई सोही बमोजिम कर्मा कन्स्ट्रक्सनसँग ठेक्का सम्झौता गर्ने कार्यमा संलग्न भएको।\n\nश्रीराम आचार्य (तत्कालीन राजस्व शाखा प्रमुख तथा राजस्व परामर्श समिति सदस्य सचिव): अन्य प्रतिवादीहरूसँगको आपसी मिलेमतो र योजनामा प्रचलित कानूनलाई बेवास्ता गरी आवश्यक प्रमाण संकलन नगरी घटी राजस्व दर सिफारिस गरी/गराई खानी उद्योग तथा क्रसर व्यवसायीहरूलाई प्रति घनफिट रु.६.२५।- को प्रत्यक्ष लाभ दिलाएको।\n\nयी चार जना राष्ट्रसेवक प्रतिवादीहरूले मिलेमतो र आपसी योजनामा रही राजस्व निर्धारण गर्दा नेपालको संविधान, संघीय आर्थिक ऐन २०७८, बागमती प्रदेश आर्थिक ऐन २०७८ र स्थानीय सरकार सञ्चालन ऐन २०७४ लाई बेवास्ता गरी आवश्यक प्रमाण संकलन नगरी बदनियतपूर्वक घटी दर निर्धारण गरेको आरोप लगाइयो।\n\n  \n\nकर्मा कन्स्ट्रक्सन र सञ्चालक रवि महर्जन: ठेक्का प्राप्त गरी घटी दरमा निकासी शुल्क संकलन गर्ने कार्यमा संलग्न भई राजस्व चुहावटको लाभ प्राप्त गर्ने प्रकृतिको मतियारको रूपमा अभियोग लगाइएको।\n\nमधुसुदन डोटेल (निराकार ढुङ्गा रोडा उद्योग प्रा.लि.), केदारनाथ तिमल्सिना (मछिन्द्रनाथ मल्टीप्रपोज प्रा.ली.), शशिराज शाही (सजिलो रोडा ढुङ्गा उद्योग प्रा.ली.) र वीरेन्द्र महर्जन (वीरेन्द्र महर्जन ढुङ्गा उद्योग प्रा.ली.): आफू-आफ्ना कम्पनीमार्फत घटी दरमा निकासी शुल्क तिरी प्रत्यक्ष आर्थिक लाभ प्राप्त गर्ने प्रकृतिका मतियारको रूपमा आरोप लगाइएको।\n\n\n****बिगो****\n\nप्रति घनफिट रु.९।- को सट्टा रु.२.७५।- मात्र दर तोकिँदा नेपाल सरकारले प्राप्त गर्ने मूल्य अभिवृद्धि कर (VAT), बागमती प्रदेश सरकारको ४० प्रतिशत राजस्व हिस्सा र गोदावरी नगरपालिकाको ६० प्रतिशत हिस्सा समेत गरी आर्थिक वर्ष २०७८/०७९ मा उक्त ठेक्का सम्झौताबाट संघीय सरकार, बागमती प्रदेश सरकार र गोदावरी नगरपालिकामा कुल रु.२०,४९,५३,७५०।- राजस्व चुहावट भयो भनी दाबी लिइएको थियो। यो बिगो सबै प्रतिवादीहरूउपर संयुक्त रूपमा कायम गरिएको थियो।\n\n****मागदाबी****\n\n| प्रतिवादी / समूह                                                                                                                                                                                                | आरोपित भूमिका                                                  | आरोपित कानुनी व्यवस्था                                                                                                               |\n| --------------------------------------------------------------------------------------------------------------------------------------------------------------------------------------------------------------- | -------------------------------------------------------------- | ------------------------------------------------------------------------------------------------------------------------------------ |\n| गजेन्द्र महर्जन, मुना अधिकारी, बीरेन्द्रदेव भारती, श्रीराम आचार्य                                                                                                                                                               | बदनियतपूर्वक घटी राजस्व दर निर्धारण गराई राजस्व चुहावट गरेको   | भ्रष्टाचार निवारण ऐन, २०५९ को दफा ७(ख) को कसुर, दफा ३(१)(झ) बमोजिम कैद सजाय र दफा ७ बमोजिम चुहावट गरेको रकमको दोब्बर जरिबाना मागदाबी |\n| कर्मा कन्स्ट्रक्सन / रवि महर्जन                                                                                                                                                                                 | घटी दरमा ठेक्का प्राप्त गरी लाभ प्राप्त गर्ने प्रकृतिको मतियार | भ्रष्टाचार निवारण ऐन, २०५९ को दफा ७(ख) बमोजिमको कसुरमा दफा २२ अन्तर्गत मतियार; मुख्य कसुरदार सरहको सजाय मागदाबी                      |\n| मधुसुदन डोटेल/निराकार ढुङ्गा रोडा उद्योग प्रा.लि., केदारनाथ तिमल्सिना/मछिन्द्रनाथ मल्टीप्रपोज प्रा.लि., शशिराज शाही/सजिलो रोडा ढुङ्गा उद्योग प्रा.लि., वीरेन्द्र महर्जन/वीरेन्द्र महर्जन ढुङ्गा उद्योग प्रा.लि. | घटी दरमा निकासी शुल्क तिरी प्रत्यक्ष लाभ प्राप्त गरेको         | भ्रष्टाचार निवारण ऐन, २०५९ को दफा ७(ख) बमोजिमको कसुरमा दफा २२ अन्तर्गत मतियार; मुख्य कसुरदार सरहको सजाय मागदाबी                      |\n\n****विशेष अदालतको फैसलाको सार****\n\nविशेष अदालतले मुख्यतः निम्न प्रश्नहरूको निरूपण गर्‍यो:  \nक) स्थानीय तहलाई आफ्नो क्षेत्राधिकारभित्र खानीजन्य पदार्थको निकासी शुल्कको दर तोक्ने अधिकार छ कि छैन? स्थानीय आर्थिक ऐन प्रदेश आर्थिक ऐनसँग बाझिएको आरोप विशेष अदालतको क्षेत्राधिकारभित्र पर्छ कि पर्दैन ?  \nख) गोदावरी नगरपालिकाले लगाएको निकासी शुल्क सार्वजनिक सम्पत्ति (दहत्तर-बहत्तर) सम्बन्धी हो वा निजी दर्ता जग्गाबाट उत्खनन हुने खानीजन्य पदार्थसँग सम्बन्धित हो ? र प्रतिवादीहरूको कार्यमा भ्रष्टाचार हुन चाहिने बदनियत पुष्टि हुन्छ कि हुँदैन ?\n\nअदालतले स्थानीय सरकार सञ्चालन ऐन, २०७४ को दफा ६४ खारेज भई दफा ६२क थपिएपछि, साथै दफा ११(२)(घ)(६) र दफा १०२ समेतको समग्र व्याख्या गर्दा, खानीजन्य पदार्थको बिक्री तथा निकासी शुल्कको दर तोक्ने अधिकार स्थानीय तहलाई नै रहेको ठहर गर्‍यो। स्थानीय आर्थिक ऐन प्रदेश आर्थिक ऐनसँग बाझिएको हो वा होइन भन्ने प्रश्नको निरूपण गर्ने असाधारण अधिकार संविधानको धारा १३३ र १३७ बमोजिम सर्वोच्च अदालतको संवैधानिक इजलासलाई मात्र रहेको भनी सो प्रश्न विशेष अदालतको आफ्नै क्षेत्राधिकारभित्र नपर्ने ठहर गर्‍यो।\n\nतथ्यगत आधारमा, गोदावरी नगरपालिकाले लगाएको निकासी शुल्क बागमती प्रदेश आर्थिक ऐनले नियमन गर्ने सार्वजनिक सम्पत्तिको दहत्तर-बहत्तरसँग सम्बन्धित नभई खानी विभागको स्वीकृति प्राप्त गरी निजी दर्ता जग्गाबाट उत्खनन हुने खानीजन्य पदार्थको निकासीसँग सम्बन्धित रहेको अदालतले स्पष्ट पार्यो। ठेक्का बन्दोबस्त खुला बोलपत्र प्रतिस्पर्धाबाटै भएको, प्रतिवादी पदाधिकारीहरूले आफैं दर तोकेको नभई नगरसभाबाट सर्वसम्मत रूपमा पारित आर्थिक ऐन मात्र कार्यान्वयन गरेको, र सोही प्रकृतिको दर निर्धारण यस मुद्दाको आर्थिक वर्षभन्दा अघिदेखि नै निरन्तर चलिआएको देखियो। निर्णय प्रक्रियामा सहभागी नगरकार्यपालिका र नगरसभाका अन्य सबै सदस्यलाई प्रतिवादी नबनाई सीमित पदाधिकारीलाई मात्र अभियोग लगाइएको पनि अदालतले औंल्यायो। प्रतिवादीहरूले आर्थिक ऐन कार्यान्वयन गर्दा बदनियतपूर्वक रकम लिई व्यक्तिगत लाभ प्राप्त गरेको भन्ने पुष्टि हुन सकेको र भ्रष्टाचार निवारण ऐन, २०५९ को दफा ७(ख) अन्तर्गतको कसुर स्थापित गर्न आवश्यक बदनियत प्रत्यक्ष प्रमाणबाट पुष्टि गर्ने दायित्व अभियोजन पक्षकै रहेकोमा सो दायित्व पूरा हुन नसकेको ठहर विशेष अदालतले गर्यो ।\n\n****अन्तिम ठहर****\n\n| प्रतिवादी                                                          | निर्णय | आधार                     |\n| ------------------------------------------------------------------ | ------ | ------------------------ |\n| गजेन्द्र महर्जन (तत्कालीन नगर प्रमुख)                              | सफाइ   | बदनियत पुष्टि हुन नसकेको |\n| मुना अधिकारी (तत्कालीन नगर उपप्रमुख)                               | सफाइ   | बदनियत पुष्टि हुन नसकेको |\n| बीरेन्द्रदेव भारती (तत्कालीन प्रमुख प्रशासकीय अधिकृत)              | सफाइ   | बदनियत पुष्टि हुन नसकेको |\n| श्रीराम आचार्य (राजस्व शाखा प्रमुख/सदस्य सचिव)                     | सफाइ   | बदनियत पुष्टि हुन नसकेको |\n| कर्मा कन्स्ट्रक्सन र सञ्चालक रवि महर्जन                            | सफाइ   | मतियार पुष्टि हुन नसकेको |\n| निराकार ढुङ्गा रोडा उद्योग प्रा.लि. र सञ्चालक मधुसुदन डोटेल        | सफाइ   | मतियार पुष्टि हुन नसकेको |\n| मछिन्द्रनाथ मल्टीप्रपोज प्रा.ली. र सञ्चालक केदारनाथ तिमल्सिना      | सफाइ   | मतियार पुष्टि हुन नसकेको |\n| सजिलो रोडा ढुङ्गा उद्योग प्रा.ली. र सञ्चालक शशिराज शाही            | सफाइ   | मतियार पुष्टि हुन नसकेको |\n| विरेन्द्र महर्जन ढुङ्गा उद्योग प्रा.ली. र सञ्चालक विरेन्द्र महर्जन | सफाइ   | मतियार पुष्टि हुन नसकेको |\n\n\n**पुनरावेदन**\n\nउक्त फैसला विरुद्ध सर्वोच्च अदालतमा पुनरावेदन दर्ता भएको छ। उक्त पुनरावेदन (मुद्दा नं. ०८२-CR-०९३९) हाल सर्वोच्च अदालतमा विचाराधीन रहेको छ।","key_allegations":["प्रतिवादीहरूले बागमती प्रदेश आर्थिक ऐन, २०७८ ले निर्धारण गरेको ढुङ्गा, गिट्टी, बालुवा, ग्राभेल र माटोको बिक्री कर प्रति घनफिट रु.९।- लाई पूर्णतः बेवास्ता गरी सोभन्दा घटी दरमा गोदावरी नगरपालिकाको निकासी शुल्क तोक्ने राजस्व परामर्श समितिको सिफारिस गराएको,","प्रतिवादीहरूले सोही घटी दर (प्रति घनफिट रु.२.७५।-) लाई नगर कार्यपालिकाको निर्णय र नगरपालिकाको आर्थिक ऐनमार्फत पारित गराई ठेक्का बन्दोबस्त गरेको,","प्रतिवादीहरूको यस्तो कार्यबाट नेपाल सरकार, बागमती प्रदेश सरकार र गोदावरी नगरपालिकालाई आर्थिक वर्ष २०७८/०७९ मा जम्मा रु.२०,४९,५३,७५०।- राजस्व चुहावट/हानिनोक्सानी पुर्‍याएको आरोप लगाइएको।","प्रतिवादीहरू विरुद्ध भ्रष्टाचार निवारण ऐन, २०५९ को दफा ७(ख) बमोजिम राजस्व चुहावट गर्ने कसुर र सोही ऐनको दफा २२ बमोजिम मतियारसम्बन्धी कसुरमा अभियोग दायर गरिएको,"],"timeline":[{"date":"2021-06-02","title":"राजस्व परामर्श समितिले घटी निकासी कर दर सिफारिस गरेको आरोप","date_bs":"2078-02-19","description":"उपप्रमुख तथा राजस्व परामर्श समिति संयोजक मुना अधिकारीको समितिले आ.व. २०७८/०७९ का लागि निकासी कर प्रति घनफिट रु.२.७५ र न्यूनतम कबोल रु.७,९८,०५,००० सिफारिस गरेको आरोप।"},{"date":"2021-06-13","title":"निकासी कर ठेक्काको बोलपत्र आह्वान सूचना प्रकाशित","date_bs":"2078-02-30","description":"हिमालय टाइम्समा 'प्राकृतिक श्रोतहरूको निकासी कर असुल गर्ने सम्बन्धी' ठेक्काको बोलपत्र आह्वान सूचना प्रकाशित गरिएको।"},{"date":"2021-06-21","title":"रु.२.७५ प्रति घनफिट दर कायम ग","date_bs":"2078-03-07","description":"अध्यक्ष गजेन्द्र महर्जनको नगर कार्यपालिकाको निर्णयले निकासी कर रु.२.७५ प्रति घनफिट कायम गरेको ।"},{"date":"2021-06-24","title":"नगरसभाबाट आर्थिक ऐन, २०७८ पारित","date_bs":"2078-03-10","description":"नगरसभाबाट बजेट तथा आर्थिक ऐन पारित; गोदावरी न.पा. आर्थिक ऐन, २०७८ को दफा १५, अनुसूची १४ मा निकासी शुल्क रु.२.७५ प्रति घनफिट तोकिएको।"},{"date":"2021-07-14","title":"कर्मा कन्स्ट्रक्सनलाई ठेक्का दिने मूल्यांकन निर्णय","date_bs":"2078-03-30","description":"बोलपत्र मूल्यांकन समितिले कर्मा कन्स्ट्रक्सनको भ्याटसहित रु.११,३६,७८,००० कबोल सर्वाधिक भएकोले ठेक्का दिने निर्णय गरेको"},{"date":"2021-07-22","title":"कर्मा कन्स्ट्रक्सनसँग ठेक्का सम्झौता","date_bs":"2078-04-07","description":"रु.११,३६,७८,००० मा सम्झौता; संकलन अवधि २०७८/०४/०१ देखि २०७९ असार मसान्त, प्रति घनफिट रु.२.७५ लिन पाउने गरी सम्झौता भएको"},{"date":"2021-11-19","title":"ठेकेदारलाई दुई किस्तामा भुक्तानी","date_bs":"2078-08-03","description":"कर्मा कन्स्ट्रक्सनलाई २०७८/०८/०३ मा रु.४,५४,७१,२०० र २०७९/०३/२४ मा रु.६,८२,०६,८०० एकमुस्ट रकम भुक्तानी गरिएको।"},{"date":"2022-06-22","title":"आयोगमा मूल उजुरी दर्ता","date_bs":"2079-03-08","description":"वार्षिक रुपमा पदधिकारीहरुको मिलेमतोमा करोडौंको राजस्व हिनामिना भएको भन्दै आयोगमा उजुरी दर्ता भएको।"},{"date":"2024-06-03","title":"अख्तियारको प्रेस विज्ञप्ति — आरोपपत्र दायर","date_bs":"2081-02-21","description":"अख्तियारले गजेन्द्र महर्जनसमेत ९ जना र प्रा.लि.उपर आ.व. २०७८/०७९ मा रु.२०,४९,५३,७५०।- राजस्व चुहावट गरेको भन्दै आरोपपत्र दायर गरेको प्रेस विज्ञप्ति प्रकाशन (सहायक प्रवक्ता देवी प्रसाद थपलिया)।"},{"date":"2024-06-03","title":"विशेष अदालतमा आरोपपत्र दायर, मुद्दा दर्ता","date_bs":"2081-02-21","description":"विशेष अदालत काठमाडौंमा मुद्दा नं.०८०-CR-०१८४ दर्ता भएको र राष्ट्रसेवकहरूविरुद्ध भ्र.नि. ऐन, २०५९ को दफा ७(ख), ३(१)(झ), १२ र ठेकेदार/उद्योगहरूविरुद्ध दफा २२ बमोजिम विगो रु.२०,४९,५३,७५०।- को मागदाबी।"},{"date":"2024-08-14","title":"विशेष अदालतको फैसला — सबै प्रतिवादीलाई सफाई","date_bs":"2081-04-30","description":"अदालतले  गजेन्द्र महर्जनसमेत सबै ९ प्रतिवादीलाई आरोप दाबीबाट सफाई दिने ठहर गर्‍यो; स्थानीय तहलाई कर निर्धारण अधिकार रहेको, निजी जग्गाको खनिजमा निकासी शुल्कमात्र लाग्ने, बदनियत पुष्टि नभएको र कानून बाझिएको प्रश्न संवैधानिक इजलासको क्षेत्राधिकार भएको आधारमा।"},{"date":"2025-12-26","title":"अख्तियारको सर्वोच्च अदालतमा पुनरावेदन","date_bs":"2082-09-11","description":"विशेष अदालतले मिति २०८१।०४।३० मा गजेन्द्र महर्जनसमेत सबै प्रतिवादीलाई दिएको सफाई फैसलाविरुद्ध अख्तियार दुरुपयोग अनुसन्धान आयोगले मिति २०८२।०९।११ मा सर्वोच्च अदालतमा पुनरावेदन दर्ता गरेको — मुद्दा नं. ०८२-CR-०९३९। गोदावरी निकासी-करसम्बन्धी ५ वटा मुद्दामा एकै दिन फरक-फरक पुनरावेदन दर्ता भएको। पुनरावेदन हाल विचाराधीन रहेको।"}],"ai_generated_sections":[],"evidence":[{"material_iri":"https://jawafdehi.org/material/court_order/special.080-cr-0184","additional_details":"यो फैसला प्रस्तुत मुद्दामा प्राथमिक न्यायिक अभिलेख हो जसले प्रति घनफिट रु. ९ को सट्टा रु. २.७५ दर निर्धारण गरी रु. २६.६३ करोडभन्दा बढी राजस्व चुहावट गराएको आरोप, खानी/क्रसर व्यवसायीलाई प्रत्यक्ष लाभ पुर्‍याएको र राजस्व परामर्श समितिका कागजात लुकाएको/नष्ट गरेको भनिएका अभियोगहरूमा अदालतको ठहर र निर्णय प्रत्यक्ष रूपमा देखाउँछ। दर निर्धारणका निर्णय, ठेक्का सम्झौता र प्रतिवादीहरूका बयान फैसलामा समावेश भएकाले यो दर निर्धारण प्रक्रिया र पदाधिकारीहरूको संलग्नतासम्बन्धी आरोपको आधिकारिक स्रोत बन्छ।","material":{"display_name":"Special Court verdict: 080-CR-0184 · Revenue leakage","material_type":"court_order","urls":[{"link":"https://s3.jawafdehi.org/case_uploads/court-orders/special/080-CR-0184.1.docx","role":"RAW"}]}},{"material_iri":"https://jawafdehi.org/material/news/20260608.dd324f3c","additional_details":"यो समाचार रिपोर्ट गौण स्रोतका रूपमा अख्तियार दुरुपयोग अनुसन्धान आयोगले गोदावरी नगरपालिकाका तत्कालीन नगरप्रमुख गजेन्द्र महर्जन र उपप्रमुख मुना अधिकारीसमेत नौ जनाविरुद्ध राजस्व चुहावटसम्बन्धी रु. २६ करोडभन्दा बढीको भ्रष्टाचार मुद्दा विशेष अदालतमा दायर भएको तथ्यलाई पुष्टि गर्ने पृष्ठभूमि/सम्पुष्टिकारी सामग्री हो। यसले मुख्य राजस्व चुहावटको आरोप, संलग्न पदाधिकारी तथा ठेकेदार/क्रसर व्यवसायीको नामावली र मुद्दा दायरीको प्रसंगलाई बाह्य रूपमा समर्थन गर्छ, तर प्राथमिक अभिलेख (अभियोगपत्र आदि) को सट्टा यो पत्रकारिता-स्रोत मात्र भएकाले यसको प्रमाणिक भार सहायक/सूचनात्मक प्रकृतिको रहन्छ।","material":{"display_name":"Case of corruption filed against Godavari ex-mayor and deputy","material_type":"news","urls":[{"link":"https://risingnepaldaily.com/news/43935","role":"RAW"},{"link":"https://s3.jawafdehi.org/case_uploads/49bd7fecb3b58501a296619a101aba33021f76cffbc5f65817beff2b10be1e85.md","role":"MARKDOWN"},{"link":"https://web.archive.org/web/20260612200021/https://risingnepaldaily.com/news/43935","role":"PERMALINK"}]}},{"material_iri":"https://jawafdehi.org/material/news/20260608.fefc17b7","additional_details":"यो समाचार लेख विशेष अदालतले गोदावरी नगरपालिकाका नगरप्रमुख गजेन्द्र महर्जन र उपप्रमुख मुना अधिकारीसमेत १४ जनालाई सफाइ दिएको फैसलाको विवरण दिने हुनाले, यस मुद्दा (080-CR-0184) मा अभियोग लगाइएको निकासी कर दर निर्धारणमार्फत राजस्व चुहावटसम्बन्धी अभियोगको न्यायिक परिणाम (कारबाहीको अन्तिम अवस्था) देखाउने प्राथमिक अभिलेखको रूपमा रहन्छ। निकासी कर असुलीलाई भ्रष्टाचार निवारण ऐन, २०५९ को दफा ७(ख) अन्तर्गतको कसुर नमानिने भन्ने अदालती तर्क समेत यसले अभिलेखीकरण गर्ने हुँदा यो अभियोगपत्रको ठहरविरुद्धको अदालती निष्कर्षसँग प्रत्यक्ष सम्बन्धित छ।","material":{"display_name":"Special Court acquits Godavari mayor, 13 others in corruption case – HimalPress | English","material_type":"news","urls":[{"link":"https://en.himalpress.com/special-court-acquits-godavari-mayor-13-others-in-corruption-case/","role":"RAW"},{"link":"https://s3.jawafdehi.org/case_uploads/7c9701da14dbddd6174fafea726325fe9bd45a0cd3a4cac1a07792a3302ad3d7.md","role":"MARKDOWN"},{"link":"https://web.archive.org/web/20250120051901/https://en.himalpress.com/special-court-acquits-godavari-mayor-13-others-in-corruption-case/","role":"PERMALINK"}]}},{"material_iri":"https://jawafdehi.org/material/news/20260608.b9218c7b","additional_details":"यो Setopati को समाचार सामग्री प्रस्तुत मुद्दाको न्यायिक प्रक्रिया र परिणामसम्बन्धी पृष्ठभूमि अभिलेखका रूपमा सान्दर्भिक छ — गजेन्द्र महर्जनसमेत अभियुक्तहरूविरुद्ध दायर राजस्व चुहावट अभियोग, विशेष अदालतबाट भएको सफाइ र सोविरुद्ध CIAA को सर्वोच्च अदालतमा पुनरावेदनको स्थितिलाई पुष्टि गर्छ। यो प्राथमिक अभिलेख नभई सहायक/पृष्ठभूमि स्रोत हो, जसले कर दर न्यून निर्धारण गरी राजस्व चुहावट गराएको आरोप र मुद्दाको अद्यावधिक न्यायिक अवस्थालाई समर्थन गर्छ।","material":{"display_name":"CIAA appeals Supreme Court against acquittal of former Godawari mayor, 13 others :: Setopati :: Setopati","material_type":"news","urls":[{"link":"https://en.setopati.com/social/165668","role":"RAW"},{"link":"https://s3.jawafdehi.org/case_uploads/8a5758d588f6d2ff3dae5e841fba3ce3d0d9bac72d12079295789a33a09dec2d.md","role":"MARKDOWN"},{"link":"https://web.archive.org/web/20260623004751/https://en.setopati.com/social/165668","role":"PERMALINK"}]}},{"material_iri":"https://jawafdehi.org/material/news/20260608.36b90c7e","additional_details":"यो समाचार लेख प्रस्तुत मुद्दाको प्रत्यक्ष प्राथमिक अभिलेख नभई पृष्ठभूमि/समर्थनकारी सामग्रीका रूपमा रहन्छ; यसले अख्तियार दुरुपयोग अनुसन्धान आयोगले खानीजन्य/नदीजन्य पदार्थको निकासी करसम्बन्धी राजस्व अनियमितताको आरोपमा गोदावरी नगरप्रमुख गजेन्द्र महर्जन र उपप्रमुख मुना अधिकारीसमेत १४ जनाविरुद्ध विशेष अदालतमा मुद्दा दर्ता गरेको र पछि निजहरू निलम्बित भएको तथ्यलाई पुष्टि गर्छ। तर निकासी कर दर निर्धारण, रु. २६.६३ करोड राजस्व चुहावट वा कागजात लुकाएको जस्ता मूल आरोपका विवरणलाई यसले प्रत्यक्ष प्रमाणित नगर्ने हुँदा यो मुद्दा दर्ता र निलम्बनको घटनाक्रम स्थापित गर्ने सहायक सन्दर्भ मात्र हो।","material":{"display_name":"Mayor and deputy mayor suspended, three municipalities leaderless - कान्तिपुर","material_type":"news","urls":[{"link":"https://ekantipur.com/en/news/2024/06/14/mayor-and-deputy-mayor-suspended-three-municipalities-leaderless-26-53.html","role":"RAW"},{"link":"https://s3.jawafdehi.org/case_uploads/678dbff8d9d1f4e7877eb6f601e5ada868b74705b7c7925598168fae1506cef8.md","role":"MARKDOWN"},{"link":"https://web.archive.org/web/20260623004936/https://ekantipur.com/news/2024/06/14/en/mayor-and-deputy-mayor-suspended-three-municipalities-leaderless-26-53.html","role":"PERMALINK"}]}},{"material_iri":"https://jawafdehi.org/material/ciaa_press_release/3300","additional_details":"अख्तियारको पुनरावेदनसम्बन्धी प्रेस विज्ञप्ति — गोदावरी निकासी-कर ५ मुद्दाको साझा; विशेष अदालतको सफाई फैसलाविरुद्ध सर्वोच्च अदालतमा मिति २०८२।०९।११ (२०२५-१२-२६) मा दायर पुनरावेदनको आधिकारिक स्रोत।","material":{"display_name":"प्रतिवादी गजेन्द्र महर्जनसमेत रहेको राजस्व चुहावट गरी भ्रष्टाचार गरेको मुद्दामा विशेष अदालतबाट भएको फैसलाउपर आयोगलाई चित्त नबुझी सम्मानित सर्वोच्च अदालतमा पुनरावेदनको फरक-फरक ५ वटा निवेदन दर्ता गरिएको।","material_type":"press_release","urls":[{"link":"https://ciaa.gov.np/pressrelease/3300","role":"SOURCE_PAGE"},{"link":"https://s3.jawafdehi.org/case_uploads/e8d68f9cceecfc1c855881d430604982efee32f2b5dbc9f55f089771f0390f3e.pdf","role":"RAW"}]}}],"notes":"","court_cases":["https://jawafdehi.org/courtcase/special/080-cr-0184","https://jawafdehi.org/courtcase/supreme/082-cr-0939"],"missing_details":"“१.यस मुद्दाको आरोपपत्र सार्वजनिक भएको छैन भने यसमा उल्लिखित विवरणहरु विशेष अदालतको फैसलामा आधारित छन्।\n२.सर्वोच्च अदालतमा परेको पुनरावेदनको पुर्णपाठ ।","bigo":204953750,"weight":0,"versionInfo":{"action":"published","datetime":"2026-07-29T12:25:24.708198+00:00"},"created_at":"2026-05-05T20:41:32.510301+05:45","updated_at":"2026-09-10T13:34:50.216191+05:45"}