{"id":59,"slug":"case-080-cr-0182-gajendra-maharjan-revenue-fy2076","public_iri":"https://jawafdehi.org/case/case-080-cr-0182-gajendra-maharjan-revenue-fy2076","offence_type":"CORRUPTION","case_type":"CORRUPTION","state":"PUBLISHED","title":"गोदावरीको निकासी कर ठेक्कामा रु. २१.२१ करोड राजस्व चुहावट (आ.व. २०७६/०७७): नगरप्रमुख गजेन्द्र महर्जन विरुद्ध मुद्दा (080-CR-0182)","short_description":"गोदावरी नगरपालिका क्षेत्रभित्रबाट निकासी हुने खनिजजन्य पदार्थको निकासी शुल्कको दर बागमती प्रदेशको आर्थिक ऐनले तोकेको भन्दा घटी कायम गरी ठेकेदार तथा क्रसर व्यवसायीहरूलाई आर्थिक लाभ पुर्‍याएको र सोबाट ठूलो मात्रामा राजस्व चुहावट तथा हानिनोक्सानी गराएको आरोपमा अख्तियार दुरुपयोग अनुसन्धान आयोगले तत्कालीन नगरप्रमुख गजेन्द्र महर्जन, उपप्रमुख मुना अधिकारी, प्रमुख प्रशासकीय अधिकृत कृष्णप्रसाद जैसी, राजस्व शाखा प्रमुख श्रीराम आचार्यसहित पदाधिकारीहरू तथा विभिन्न कम्पनी र व्यवसायीहरूविरुद्ध भ्रष्टाचारसम्बन्धी अभियोग दायर गरेको थियो। उक्त मुद्दामा प्रतिवादीहरूले मिलेमतो गरी सरकारी राजस्वमा हानि पुर्‍याएको आरोप लगाइएको थियो। विशेष अदालतले स्थानीय तहलाई आफ्नो क्षेत्राधिकारभित्र कर निर्धारण गर्ने अधिकार रहेको र प्रतिवादीहरूको कार्यमा बदनियत रहेको शंकारहित तवरबाट पुष्टि हुन नसकेको ठहर गर्दै सबै प्रतिवादीहरूलाई अभियोग दाबीबाट सफाइ दिएको थियो।","authors":[{"slug":"subodh-kandel","display_name":"Subodh Kandel","name_ne":"सुबोध कँडेल","photo_url":"https://jawafdehi.org/assets/teammembers/subodh.webp","title":"Caseworker","has_public_page":true}],"case_publish_date":"2026-07-23","public_edit_history":[],"public_notes":"**case Summarized by Subodh Kandel**\n**First Published on 2083/04/06**","thumbnail":{"src":"https://s3.jawafdehi.org/case_uploads/49113d0e88875e995bc6db6fe87fe73a91fb84a03c4dc1b8f558cad40e7325fe.webp","srcset":"https://s3.jawafdehi.org/case_uploads/068ca9c2c8324875968a7a719547be1857db79fcc393cc506829d23d2a22c698.webp 400w, https://s3.jawafdehi.org/case_uploads/70012ac88460c3fe86ce182664646cd4263bbeb086e3fc364675fd6e8c87bcf7.webp 800w, https://s3.jawafdehi.org/case_uploads/49113d0e88875e995bc6db6fe87fe73a91fb84a03c4dc1b8f558cad40e7325fe.webp 1200w","width":1200,"height":675,"alt":""},"banner":{"src":"https://s3.jawafdehi.org/case_uploads/4845e526883456ac9c64e18aeec6783f2c8a0f4de2aeb0ab2ca429223e55adcd.webp","srcset":"https://s3.jawafdehi.org/case_uploads/7146daa5d8bc4dc32a38c57ef07c245937a5c8efed379b8791380d56901788ae.webp 640w, https://s3.jawafdehi.org/case_uploads/fd5cd1f56fe49b48994369835638958308f6c18b5b3dc6554de17f1bc343c6e3.webp 1280w, https://s3.jawafdehi.org/case_uploads/4845e526883456ac9c64e18aeec6783f2c8a0f4de2aeb0ab2ca429223e55adcd.webp 1600w","width":1600,"height":704,"alt":""},"thumbnail_image_id":348,"banner_image_id":264,"thumbnail_url":"","banner_url":"","case_start_date":"2024-06-03","case_end_date":"2024-08-14","dates":{"stages":[{"end":"2024-08-14","stage":"initial","start":"2024-06-03","courtcase_iri":"https://jawafdehi.org/courtcase/special/080-cr-0182"}]},"status":"concluded","case_track":null,"status_override":null,"proceedings_started_on":"2024-06-03","proceedings_decided_on":"2024-08-14","appeal_verdicts":{},"appeal_parties":{},"entities":[{"nes_id":"https://jawafdehi.org/entity/organization/khani-tatha-bhugarbha-vibhaga-9829ae","display_name":"Department of Mines and Geology","entity_type":"Organization","type":"related","outcome":null,"notes":"खानी सञ्चालन स्वीकृति दिने संघीय निकाय","name":{"en":"Department of Mines and Geology","ne":"खानी तथा भूगर्भ विभाग"},"image":null},{"nes_id":"https://jawafdehi.org/entity/person/gajendra-maharjana-2c437c","display_name":"Gajendra Maharjan","entity_type":"Person","type":"accused","outcome":"acquitted","notes":"तत्कालीन नगर प्रमुख, गोदावरी नगरपालिका — कार्यपालिकाको बैठकको अध्यक्षता गरी प्रति घनफिट रु.२.२५ को घटी दर कायम गराएको (मुख्य प्रतिवादी)","name":{"en":"Gajendra Maharjan","ne":"गजेन्द्र महर्जन"},"image":null},{"nes_id":"https://jawafdehi.org/entity/person/muna-adhikari-c2dea9","display_name":"Muna Adhikari","entity_type":"Person","type":"accused","outcome":"acquitted","notes":"तत्कालीन नगर उपप्रमुख, गोदावरी नगरपालिका — राजस्व परामर्श समितिको पदेन संयोजक","name":{"en":"Muna Adhikari","ne":"मुना अधिकारी"},"image":null},{"nes_id":"https://jawafdehi.org/entity/person/krsna-prasada-jaisi-7ef4c3","display_name":"Krishna Prasad Jaisi","entity_type":"Person","type":"accused","outcome":"acquitted","notes":"तत्कालीन प्रमुख प्रशासकीय अधिकृत, गोदावरी नगरपालिका — कार्यपालिकाबाट निर्णय गराई ठेक्का सम्झौता गर्ने","name":{"en":"Krishna Prasad Jaisi","ne":"कृष्ण प्रसाद जैसी"},"image":null},{"nes_id":"https://jawafdehi.org/entity/person/srirama-acarya-de778e","display_name":"Shriram Acharya","entity_type":"Person","type":"accused","outcome":"acquitted","notes":"तत्कालीन राजस्व शाखा प्रमुख — राजस्व परामर्श समितिको सदस्य सचिव","name":{"en":"Shriram Acharya","ne":"श्रीराम आचार्य"},"image":null},{"nes_id":"https://jawafdehi.org/entity/person/prakasa-mali-6ee824","display_name":"Prakash Mali","entity_type":"Person","type":"accused","outcome":"acquitted","notes":"माली निर्माण सेवा (ठेकेदार) — घटी दरमा निकासी शुल्क संकलन गर्ने — मतियार","name":{"en":"Prakash Mali","ne":"प्रकाश माली"},"image":null},{"nes_id":"https://jawafdehi.org/entity/organization/mali-nirmana-seva-pra-li-1ab546","display_name":"Mali Construction Service Pvt. Ltd.","entity_type":"Organization","type":"accused","outcome":"acquitted","notes":"आ.व. २०७६/०७७ को निकासी कर ठेक्का पाएको ठेकेदार फर्म — मतियार","name":{"en":"Mali Construction Service Pvt. Ltd.","ne":"माली निर्माण सेवा प्रा लि"},"image":null},{"nes_id":"https://jawafdehi.org/entity/person/kedaranatha-timalsina-36efe1","display_name":"Kedarnath Timsina","entity_type":"Person","type":"accused","outcome":"acquitted","notes":"सञ्चालक, मछिन्द्रनाथ मल्टीप्रपोज प्रा.लि. — मतियार","name":{"en":"Kedarnath Timsina","ne":"केदारनाथ तिमल्सिना"},"image":null},{"nes_id":"https://jawafdehi.org/entity/organization/machhindranath-multipurpose-pvt-ltd","display_name":"Machhindranath Multipurpose Pvt. Ltd.","entity_type":"Organization","type":"accused","outcome":"acquitted","notes":"क्रसर/खानी उद्योग","name":{"en":"Machhindranath Multipurpose Pvt. Ltd.","ne":"मछिन्द्रनाथ मल्टीप्रपोज प्रा.लि."},"image":null},{"nes_id":"https://jawafdehi.org/entity/person/sasiraja-sahi-9fdd63","display_name":"Shashiraj Shahi","entity_type":"Person","type":"accused","outcome":"acquitted","notes":"सञ्चालक, सजिलो रोडा ढुङ्गा उद्योग प्रा.लि. — मतियार","name":{"en":"Shashiraj Shahi","ne":"शशीराज शाही"},"image":null},{"nes_id":"https://jawafdehi.org/entity/organization/virendra-maharjana-dhumga-udyoga-pra-li-098ea0","display_name":"Birendra Maharjan Dhunga Industry Pvt. Ltd.","entity_type":"Organization","type":"accused","outcome":"acquitted","notes":"क्रसर/खानी उद्योग","name":{"en":"Birendra Maharjan Dhunga Industry Pvt. Ltd.","ne":"विरेन्द्र महर्जन ढुंगा उद्योग प्रा लि"},"image":null},{"nes_id":"https://jawafdehi.org/entity/person/birendra-maharjan-ward-30802-28","display_name":"Birendra Maharjan","entity_type":"Person","type":"accused","outcome":"acquitted","notes":"सञ्चालक, वीरेन्द्र महर्जन ढुङ्गा उद्योग प्रा.लि. — मतियार","name":{"en":"Birendra Maharjan","ne":"विरेन्द्र महर्जन"},"image":null},{"nes_id":"https://jawafdehi.org/entity/organization/sajilo-dhumga-udyoga-pra-li-bac502","display_name":"Sajilo Dunga Industry Pvt. Ltd.","entity_type":"Organization","type":"accused","outcome":"acquitted","notes":"क्रसर/खानी उद्योग","name":{"en":"Sajilo Dunga Industry Pvt. Ltd.","ne":"सजिलो ढुंगा उद्योग प्रा लि"},"image":null},{"nes_id":"https://jawafdehi.org/entity/person/nirakara-dhunga-uddyoga-2d5da9","display_name":"Nirakar Dhunga Udyog","entity_type":"Organization","type":"accused","outcome":"acquitted","notes":"क्रसर/खानी उद्योग","name":{"en":"Nirakar Dhunga Udyog","ne":"निराकर ढुङ्गा उद्द्योग"},"image":null},{"nes_id":"https://jawafdehi.org/entity/person/madhusudana-dotela-265c78","display_name":"Madhusudan Dotel","entity_type":"Person","type":"accused","outcome":"acquitted","notes":"सञ्चालक, निराकार ढुङ्गा रोडा उद्योग प्रा.लि. — मतियार","name":{"en":"Madhusudan Dotel","ne":"मधुसुदन डोटेल"},"image":null},{"nes_id":"https://jawafdehi.org/entity/location/khanijanya-nadijanya-nikasi-kara-godavar-772c7e","display_name":"Mineral/Riverine Extraction Tax - Godavari Municipality, Lalitpur","entity_type":"Place","type":"related","outcome":null,"notes":"","name":{"en":"Mineral/Riverine Extraction Tax - Godavari Municipality, Lalitpur","ne":"खानीजन्य/नदीजन्य निकासी कर - गोदावरी नगरपालिका, ललितपुर"},"image":null},{"nes_id":"https://jawafdehi.org/entity/location/bagamati-pradesa-sarakara-79c7ab","display_name":"Bagmati Province Government","entity_type":"Place","type":"related","outcome":null,"notes":"प्रति घनफिट रु.९ दर तोक्ने आर्थिक ऐन, २०७६ जारी गर्ने; राजस्वको ४० प्रतिशत हिस्सा गुमेको","name":{"en":"Bagmati Province Government","ne":"बागमती प्रदेश सरकार"},"image":null},{"nes_id":"https://jawafdehi.org/entity/organization/government-of-nepal","display_name":"Government of Nepal","entity_type":"Organization","type":"related","outcome":null,"notes":"मूल्य अभिवृद्धि कर राजस्व गुमेको संघीय सरकार","name":{"en":"Government of Nepal","ne":"नेपाल सरकार"},"image":null},{"nes_id":"https://jawafdehi.org/entity/organization/jilla-vikasa-samiti-lalitapura-64683a","display_name":"District Development Committee, Lalitpur","entity_type":"Organization","type":"related","outcome":null,"notes":"साविकमा निकासी शुल्कको दर तोक्ने निकाय — दररेटको आधार","name":{"en":"District Development Committee, Lalitpur","ne":"जिल्ला विकास समिति, ललितपुर"},"image":null},{"nes_id":"https://jawafdehi.org/entity/location/localunit/godawari-municipality-30803","display_name":"Godawari Municipality","entity_type":"AdministrativeArea,jawafdehi:Municipality","type":"location","outcome":null,"notes":"कार्यालय रहेको स्थानीय तह","name":{"en":"Godawari Municipality","ne":"गोदावरी नगरपालिका"},"image":null},{"nes_id":"https://jawafdehi.org/entity/location/district/lalitpur-np0325","display_name":"Lalitpur","entity_type":"AdministrativeArea,jawafdehi:District","type":"location","outcome":null,"notes":"कार्यालय रहेको जिल्ला","name":{"en":"Lalitpur","ne":"ललितपुर"},"image":null},{"nes_id":"https://jawafdehi.org/entity/location/province/bagmati-np03","display_name":"Bagmati Province","entity_type":"AdministrativeArea,jawafdehi:Province","type":"location","outcome":null,"notes":"मुद्दा सम्बन्धित प्रदेश","name":{"en":"Bagmati Province","ne":"वाग्मती प्रदेश"},"image":null}],"tags":["CIAA","Corruption","Local Government","Revenue","Public Office Abuse","Revenue Leakage","Lalitpur","Kathmandu Valley","~21 Crore 21 Lakh"],"description":"**सुचनार्थः** \nयो मुद्दा गोदावरी नगरपालिकाको निकासी कर शुल्क/राजस्व चुहावटसँग सम्बन्धित मुद्दा हो । यस्तै समान प्रकृतिका अन्य ४ वटा छुट्टाछुट्टै मुद्दाहरु छन्। अख्तियार दुरुपयोग अनुसन्धान आयोगले फरक-फरक आर्थिक वर्ष (२०७५/०७६ देखि २०७९/०८० सम्म) का लागि छुट्टाछुट्टै आरोपपत्र दायर गरेको हुनेले  समान प्रकृतीका ५ वटा मुद्दा दर्ता भएका हुन । प्रत्येक आर्थिक वर्षको ठेक्का र दरसम्बन्धी तथ्य फरक पर्ने हुनाले यस मुद्दामा उल्लेख गरिएको दर, विगो र ठेक्क उल्लेखित आर्थिक वर्षहरुमा मात्र सीमित रहनेछन्। \n\n**पृष्ठभुमी**\n\nगोदावरी नगरपालिका, ललितपुरको नगरक्षेत्रभित्र ढुङ्गा, गिट्टी, ग्राभेल, रोडा, बालुवा, माटो र खरिढुङ्गा जस्ता खानीजन्य/नदीजन्य साधारण निर्माणमुखी खनिज पदार्थको उत्खनन तथा निकासी हुँदै आएको थियो। यस्ता पदार्थमा लाग्ने निकासी शुल्कको दर प्रत्येक आर्थिक वर्षको आर्थिक ऐनमार्फत नगरपालिकाले तोक्दै आएको थियो र सो शुल्क संकलन गर्ने कार्य ठेक्का प्रणालीबाट सम्पन्न हुने गरेको थियो। आर्थिक वर्ष २०७६/०७७ का लागि यस्तै निकासी शुल्क संकलन गर्ने ठेक्का बन्दोबस्त गर्ने क्रममा राजस्व चुहावट भएको भनी प्रस्तुत मुद्दा दायर भएको थियो।\n\n****आरोपपत्रको सार****\n\nआरोपपत्र अनुसार गोदावरी नगरपालिकाका पदाधिकारीहरूले आफू, अन्य राष्ट्रसेवक प्रतिवादीहरूले ठेकेदार तथा खानी व्यवसायीहरूलाई गैरकानूनी लाभ पुर्‍याउने र नेपाल सरकार, बागमती प्रदेश सरकार (तत्कालीन प्रदेश नं.३) तथा गोदावरी नगरपालिकालाई राजस्व चुहावट गरी हानिनोक्सानी पुर्‍याउने बदनियतले मिति २०७६/०२/२७ गते कार्यपालिकाको बैठकबाट ढुङ्गा, गिट्टी, रोडा, बालुवा, ग्राभेल र माटोको निकासी शुल्कको दर प्रति घनफिट रु.२.२५।- कायम गर्ने निर्णय गरिएको थियो। यसका लागि राजस्व परामर्श समितिबाट सोही दरको सिफारिस गराइयो र सोही आधारमा उक्त सामग्रीको ठेक्काको न्यूनतम कवोल अंक रु.६,२५,९५,०००।- कायम गरी मिति २०७६/०३/०१ गते नयाँ पत्रिका राष्ट्रिय दैनिकमा बोलपत्र आह्वानको सूचना प्रकाशन गरिएको यियो। यसरी पहिल्यै निर्णय गरिसकेको दरलाई वैधानिकता दिन र सो बदनियतपूर्ण कार्यलाई ढाकछोप गर्न मात्र, बजेट पेश भइसकेपछि मिति २०७६/०३/१० गते मात्र जारी भएको गोदावरी नगरपालिकाको आर्थिक ऐन, २०७६ को दफा १५ मा उक्त प्रति घनफिट रु.२.२५।- को दर व्यवस्था गरियो।\n\nयस्तो दर तोक्दा बागमती प्रदेश (तत्कालीन प्रदेश नं.३) को आर्थिक ऐन, २०७६ को दफा ९ मा ढुङ्गा, गिट्टी, रोडा, बालुवा, ग्राभेल र माटोको बिक्री कर प्रति घनफिट रु.९।- तोकिएको कानुनी व्यवस्थालाई पूर्णतः बेवास्ता गरियो। उक्त ठेक्का माली निर्माण सेवाले न्यूनतम कवोल अंक रु.८,१९,८१,५००।- (मूल्य अभिवृद्धि कर सहित) प्रस्ताव गरी प्राप्त गर्‍यो र मिति २०७६/०४/०७ गते सम्झौता भयो। यसरी प्रदेश सरकारले तोकेको दर प्रति घनफिट रु.९।- को सट्टा रु.२.२५।- मात्र कायम गरिएकोले प्रति घनफिट रु.६.७५।- को प्रत्यक्ष लाभ निराकार ढुङ्गा रोडा उद्योग प्रा.लि., मछिन्द्रनाथ मल्टीप्रपोज प्रा.लि., सजिलो रोडा ढुङ्गा उद्योग प्रा.लि. र वीरेन्द्र महर्जन ढुङ्गा उद्योग प्रा.लि. लगायतका खानी उद्योग तथा क्रसर व्यवसायीहरूलाई पुर्‍याएको आरोप पत्रमा उल्लेख गरिएको छ।\n\n****प्रतिवादीहरूको भूमिका****\n\n****गजेन्द्र महर्जन (तत्कालीन नगर प्रमुख):**** स्थानीय सरकार सञ्चालन ऐन, २०७४ को दफा १६(४)(क) समेतको प्रचलित कानुनी व्यवस्थाको प्रतिकूल हुने गरी अन्य प्रतिवादीहरू तथा ठेकेदार र खानी व्यवसायीहरूलाई गैरकानूनी लाभ पुर्‍याउने बदनियतले कार्यपालिकाको बैठकको अध्यक्षता गरी घटी दर कायम गर्ने निर्णय गराएको।\n\n****मुना अधिकारी (तत्कालीन नगर उपप्रमुख):**** नगर प्रमुखसँगै सोही ऐनको दफा १६(४)(क) को प्रतिकूल हुने गरी उक्त निर्णय प्रक्रियामा सहभागी भई गैरकानूनी लाभ पुर्‍याउने कार्यमा संलग्न भएको।\n\n****कृष्णप्रसाद जैसी (तत्कालीन प्रमुख प्रशासकीय अधिकृत):**** ऐ. ऐनको दफा ८४ को प्रचलित व्यवस्थाको प्रतिकूल हुने गरी कार्यपालिकाको बैठकबाट निर्णय गराई सोही बमोजिम प्रतिवादीहरूसँग ठेक्का सम्झौता गर्ने कार्यमा संलग्न भएको।\n\n****श्रीराम आचार्य (तत्कालीन राजस्व शाखा प्रमुख तथा राजस्व परामर्श समिति सदस्य सचिव):**** ऐ. ऐनको दफा ६५ को प्रचलित व्यवस्थाको प्रतिकूल हुने गरी आफू राजस्व परामर्श समितिको सदस्य सचिव रहेको हैसियतले समितिबाट घटी दरको सिफारिस गराउने कार्यमा संलग्न भए।\n\nयी चार जना राष्ट्रसेवक प्रतिवादीहरूले मिलेमतो र आपसी योजनामा रही राजस्व निर्धारण गर्दा नेपालको संविधान, संघीय आर्थिक ऐन २०७६, बागमती प्रदेश आर्थिक ऐन २०७६ र स्थानीय सरकार सञ्चालन ऐन २०७४ लाई बेवास्ता गरी आवश्यक प्रमाण संकलन नगरी बदनियतपूर्वक घटी दर निर्धारण गरेको आरोप लगाइयो।\n\n****प्रकाश माली र माली निर्माण सेवा:**** ठेक्का प्राप्त गरी घटी दरमा निकासी शुल्क संकलन गर्ने कार्यमा संलग्न भई राजस्व चुहावटको लाभ प्राप्त गर्ने प्रकृतिको मतियारको रुपमा अभियोग लगाईएको।\n\n****मधुसुदन डोटेल (निराकार ढुङ्गा रोडा उद्योग प्रा.लि.), केदारनाथ तिमल्सेना (मछिन्द्रनाथ मल्टीप्रपोज प्रा.लि.), शशिराज शाही (सजिलो रोडा ढुङ्गा उद्योग प्रा.लि.) र वीरेन्द्र महर्जन (वीरेन्द्र महर्जन ढुङ्गा उद्योग प्रा.लि.):**** आफू-आफ्ना कम्पनीमार्फत घटी दरमा निकासी शुल्क तिरी प्रत्यक्ष  आर्थिक लाभ प्राप्त गर्ने प्रकृतिका मतियारको रपमा आरोप लगाइएको।\n\n****बिगोः****\n\nप्रति घनफिट रु.९।- को सट्टा रु.२.२५।- मात्र दर तोकिँदा नेपाल सरकारले प्राप्त गर्ने मूल्य अभिवृद्धि कर (VAT), बागमती प्रदेश सरकारको ४० प्रतिशत राजस्व हिस्सा र गोदावरी नगरपालिकाको ६० प्रतिशत हिस्सा समेत गरी आर्थिक वर्ष २०७६/०७७ मा उक्त ठेक्का सम्झौताबाट संघीय सरकार, बागमती प्रदेश सरकार र गोदावरी नगरपालिकामा कुल रु.२१,२१,९७,०५०।- राजस्व चुहावट भयो भनी दाबी लिइएको थियो। यो बिगो सबै प्रतिवादीहरूउपर संयुक्त रूपमा कायम गरिएको थियो ।\n\n****कानुनी व्यवस्था****\n\n| प्रतिवादी / समूह                                                                                                                                                                                                | आरोपित भूमिका                                                  | आरोपित कानुनी व्यवस्था                                                                                                            |\n| --------------------------------------------------------------------------------------------------------------------------------------------------------------------------------------------------------------- | -------------------------------------------------------------- | ------------------------------------------------------------------------------------------------------------------------------------------------- |\n| गजेन्द्र महर्जन, मुना अधिकारी, कृष्णप्रसाद जैसी, श्रीराम आचार्य                                                                                                                                                 | बदनियतपूर्वक घटी राजस्व दर निर्धारण गराई राजस्व चुहावट गरेको   | भ्रष्टाचार निवारण ऐन, २०५९ को दफा ७(ख) [राजस्व चुहावट गर्ने कसुर]; दफा ३(१)(झ) बमोजिम कैद सजाय र दफा ७ बमोजिम चुहावट रकमको दोब्बर जरिबाना मागदाबी |\n| प्रकाश माली / माली निर्माण सेवा                                                                                                                                                                                 | घटी दरमा ठेक्का प्राप्त गरी लाभ प्राप्त गर्ने प्रकृतिको मतियार | भ्रष्टाचार निवारण ऐन, २०५९ को दफा ७(ख) बमोजिमको कसुरमा दफा २२ अन्तर्गत मतियार; मुख्य कसुरदार सरहको सजाय मागदाबी                                   |\n| मधुसुदन डोटेल/निराकार ढुङ्गा रोडा उद्योग प्रा.लि., केदारनाथ तिमल्सेना/मछिन्द्रनाथ मल्टीप्रपोज प्रा.लि., शशिराज शाही/सजिलो रोडा ढुङ्गा उद्योग प्रा.लि., वीरेन्द्र महर्जन/वीरेन्द्र महर्जन ढुङ्गा उद्योग प्रा.लि. | घटी दरमा निकासी शुल्क तिरी प्रत्यक्ष लाभ प्राप्त गरेको         | भ्रष्टाचार निवारण ऐन, २०५९ को दफा ७(ख) बमोजिमको कसुरमा दफा २२ अन्तर्गत मतियार; मुख्य कसुरदार सरहको सजाय मागदाबी                                   |\n\n  \n\n****प्रतिवादीहरूको बयान****\n\n****क)    राष्ट्रसेवक/जनप्रतिनिधि प्रतिवादीहरूको बयान:****\n\n१)    ****श्रीराम आचार्य (तत्कालीन राजस्व शाखा प्रमुख तथा राजस्व परामर्श समिति सदस्य सचिव):**** आफूले राजस्व परामर्श समिति, कार्यपालिका वा नगरसभालाई कम राजस्व लगाउन कहिल्यै दबाब नदिएको र दिन नमिल्ने बताए। राजस्व शाखाको काम केवल छलफलमा उठेको विषयमा परामर्श गरी कार्यपालिकालाई सिफारिस मात्र गर्नु सम्मको मात्रै भएको र निर्णायक भूमिका नरहेको हुनाले बदनियतपूर्वक कुनै कार्य नगरेको भनी आफूबाट वा आफ्नो कारणबाट राजस्व चुहावट नभएको जिकिर लिए।\n\n२)    ****कृष्णप्रसाद जैसी (तत्कालीन प्रमुख प्रशासकीय अधिकृत):**** स्थानीय सरकार सञ्चालन ऐन, २०७४ को दफा ८४(२)(ख) बमोजिम नगरकार्यपालिका र नगरसभाले गरेका निर्णय आफुले कार्यान्वयन गर्ने कानुनी जिम्मेवारी मात्र निर्वाह गरेको दाबी गरे। खुला प्रतिस्पर्धाबाट सबैभन्दा बढी कबोल गर्ने फर्मसँग सम्झौता भएको, करको दर तोक्ने वा परिवर्तन गर्ने अधिकार प्रमुख प्रशासकीय अधिकृतमा नरहने र सो अधिकार नगरसभाको मात्र भएको उल्लेख गरे। दररेट तर्जुमामा कुनै एक व्यक्ति वा मिलेमतोको सम्भावना नरहेको बताउँदै आफूमाथिको अभियोग झुट्टा भएको जिकिर लिए।\n\n३)    ****गजेन्द्र महर्जन (तत्कालीन नगर प्रमुख):**** खानीजन्य निर्माण सामग्रीको निकासी शुल्कको दर नगरसभाले नियमानुसार सर्वसम्मत रूपमा पारित गरी खुला र पारदर्शी तवरले तोकेको, ठेक्का बन्दोबस्त पर्याप्त प्रतिस्पर्धाबाट भएको बताए। नगरकार्यपालिका (२४ सदस्य) र नगरसभा (७६ सदस्य) मध्ये आफूलाइ एक मतको अधिकार भएको सदस्य मात्र रहेकोले आफ्नो एकलौटी निर्णयबाट मात्र गैरकानूनी कार्य हुन नसक्ने तर्क गरे। महालेखापरीक्षकको लेखापरीक्षणले कुनै बेरुजु नदेखाएको र निर्णय प्रक्रियामा संलग्न कार्यपालिका तथा नगरसभाका अन्य सदस्यहरूलाई मुद्दा नचलाई आफू र उपप्रमुखलाई मात्र छानी अभियोग लगाइएकोले आरोप दुराशयपूर्ण भएको जिकिर लिए।\n\n४)    ****मुना अधिकारी (तत्कालीन नगर उपप्रमुख):**** करको दर नगरपालिकाको आर्थिक ऐनमार्फत कानुनसम्मत प्रक्रियाबाट (कार्यपालिका बैठकको निर्णय पछाडि नगरसभाबाट आर्थिक ऐन पारित गरी) तोकिएको बताइन्। आफू राजस्व परामर्श समितिको पदेन संयोजक मात्र भई सो समितिको बैठकमा भएका निर्णयहरू लिपिबद्ध गराउने र कार्यपालिकामा सिफारिस गर्नेसम्म मात्र दायित्व रहेको उल्लेख गरिन्। नगरसभा, कार्यपालिका र राजस्व परामर्श समितिका धेरै सदस्यमध्ये आफूलगायत दुई जनालाई मात्र अभियोग लगाइएकोले सो दुराशययुक्त रहेको जिकिर लिइन्।\n\n****ख)    ठेकेदार तथा खानी/क्रसर व्यवसायी प्रतिवादीहरूको बयान****\n\n१)    निकासी शुल्क अप्रत्यक्ष करको स्वरूपमा रहेको र सो कर खानी व्यवसायीले होइन, ढुवानीको क्रममा ढुवानीकर्ताले तिर्ने र अन्ततः अन्तिम उपभोक्ताबाट असुली हुने भएकोले नगरपालिकाले लगाएको करसँग आफूहरूको कुनै प्रत्यक्ष सरोकार, लाभ वा नोक्सानी नरहेको भन्ने व्यहोराको प्रतिवादी शशीराज शाही (सजिलो रोडा ढुङ्गा उद्योग प्रा.लि.), केदारनाथ तिमिल्सिना (मछिन्द्रनाथ मल्टीप्रपोज प्रा.लि.), मधुसुदन डोटेल (निराकार ढुङ्गा रोडा उद्योग प्रा.लि.) र वीरेन्द्र महर्जन (वीरेन्द्र महर्जन ढुङ्गा उद्योग प्रा.लि.) को बयान रहेको छ। यी प्रतिवादीहरूले करको दर निर्धारण नगरसभाबाट पारित आर्थिक ऐनबमोजिम मात्र हुने भएकोले सो निर्धारणमा आफूहरूको कुनै प्रभाव वा भूमिका नरहेको र मतियारका रूपमा कसैलाई सहयोग नगरेको जिकिर लिए। यसै क्रममा शशीराज शाहीले सजिलो रोडा ढुङ्गा उद्योग प्रा.लि.को खानी सञ्चालनको म्याद मिति २०७७/०२/२९ मै समाप्त भईसकेकोले सोपछि कुनै उत्खनन कार्य नै नगरेको थप जिकिर लिए, भने वीरेन्द्र महर्जनले आफू विरेन्द्र महर्जन ढुङ्गा उद्योग प्रा.लि.को संचालक नै नभएको र गलत कम्पनीको नाममा अभियोग लगाइएको दाबी गरे।\n\n२)    प्रकाश माली (माली निर्माण सेवा) ले खानीजन्य पदार्थमा के-कस्तो कर लाग्ने भन्ने विषय व्यवस्थापिकाले बनाएको कानुनबमोजिम हुने र आफ्नो काम कानुनले तोकेको कर संकलन गर्नु मात्र भएको बताए। करको दर निर्धारण गर्ने आर्थिक ऐन नगरसभाबाट पारित हुने भएकोले साधारण व्यवसायीको हैसियतमा रहेको आफूले सो प्रक्रियामा प्रभाव पार्न सक्ने कुरा असम्भव रहेको जिकिर लिँदै मतियारको रूपमा कुनै कसुर नगरेको दाबी गरे।\n\n****ठेकेदार तथा खानी/क्रसर व्यवसायी प्रतिवादीहरूको बयान****\n\nनिकासी शुल्क अप्रत्यक्ष करको स्वरूपमा रहेको र सो कर खानी व्यवसायीले होइन, ढुवानीको क्रममा ढुवानीकर्ताले तिर्ने र अन्ततः अन्तिम उपभोक्ताबाट असुली हुने भएकोले नगरपालिकाले लगाएको करसँग आफूहरूको कुनै प्रत्यक्ष सरोकार, लाभ वा नोक्सानी नरहेको भन्ने व्यहोराको प्रतिवादी शशीराज शाही (सजिलो रोडा ढुङ्गा उद्योग प्रा.लि.), केदारनाथ तिमिल्सिना (मछिन्द्रनाथ मल्टीप्रपोज प्रा.लि.), मधुसुदन डोटेल (निराकार ढुङ्गा रोडा उद्योग प्रा.लि.) र वीरेन्द्र महर्जन (वीरेन्द्र महर्जन ढुङ्गा उद्योग प्रा.लि.) को बयान रहेको छ। यी प्रतिवादीहरूले करको दर निर्धारण नगरसभाबाट पारित आर्थिक ऐनबमोजिम मात्र हुने भएकोले सो निर्धारणमा आफूहरूको कुनै प्रभाव वा भूमिका नरहेको र मतियारका रूपमा कसैलाई सहयोग नगरेको जिकिर लिए। यसै क्रममा शशीराज शाहीले सजिलो रोडा ढुङ्गा उद्योग प्रा.लि.को खानी सञ्चालनको म्याद मिति २०७७/०२/२९ मै समाप्त भईसकेकोले सोपछि कुनै उत्खनन कार्य नै नगरेको थप जिकिर लिए, भने वीरेन्द्र महर्जनले आफू विरेन्द्र महर्जन ढुङ्गा उद्योग प्रा.लि.को संचालक नै नभएको र गलत कम्पनीको नाममा अभियोग लगाइएको दाबी गरे।\n\nप्रकाश माली (माली निर्माण सेवा) ले खानीजन्य पदार्थमा के-कस्तो कर लाग्ने भन्ने विषय व्यवस्थापिकाले बनाएको कानुनबमोजिम हुने र आफ्नो काम कानुनले तोकेको कर संकलन गर्नु मात्र भएको बताए। करको दर निर्धारण गर्ने आर्थिक ऐन नगरसभाबाट पारित हुने भएकोले साधारण व्यवसायीको हैसियतमा रहेको आफूले सो प्रक्रियामा प्रभाव पार्न सक्ने कुरा असम्भव रहेको जिकिर लिँदै मतियारको रूपमा कुनै कसुर नगरेको दाबी गरे।\n\n  \n\n****विशेष अदालतको निर्णयको सार****\n\nविशेष अदालतले मुख्यतः निम्न प्रश्नहरूको निरूपण गर्‍यो:\n\nक)    स्थानीय तहलाई आफ्नो क्षेत्राधिकारभित्र खानीजन्य पदार्थको निकासी शुल्कको दर तोक्ने अधिकार छ कि छैन; स्थानीय कानून प्रदेश कानूनसँग बाझिएको आरोप विशेष अदालतको क्षेत्राधिकारभित्र पर्छ कि पर्दैन ?\n\nख)     गोदावरी नगरपालिकाले लगाएको निकासी शुल्क सार्वजनिक सम्पत्ति (दहत्तर-बहत्तर) सम्बन्धी हो वा निजी स्वामित्वको जग्गाबाट उत्खनन हुने खानीजन्य पदार्थसँग सम्बन्धित हो; र प्रतिवादीहरूको कार्यमा भ्रष्टाचार  हुन चाहिने  बदनियत पुष्टि हुन्छ कि हुदैन ?\n\nअदालतले स्थानीय सरकार सञ्चालन ऐन, २०७४ को दफा ६४ खारेज भई दफा ६२क थपिएपछि, साथै दफा ११(२)(घ)(६) र दफा १०२ समेतको समग्र व्याख्या गर्दा, खानीजन्य पदार्थको बिक्री तथा निकासी शुल्कको दर तोक्ने अधिकार स्थानीय तहलाई नै रहेको ठहर गर्‍यो। स्थानीय कानून प्रदेश कानूनसँग बाझिएको हो वा होइन भन्ने प्रश्नको निरूपण गर्ने असाधारण अधिकार संविधानको धारा १३३ र १३७ बमोजिम सर्वोच्च अदालतको संवैधानिक इजलासलाई मात्र रहेको भनी सो प्रश्न विशेष अदालतको आफ्नै क्षेत्राधिकारभित्र नपर्ने ठहर गर्‍यो।\n\nतथ्यगत रूपमा, गोदावरी नगरपालिकाले लगाएको निकासी शुल्क बागमती प्रदेश आर्थिक ऐनले नियमन गर्ने सार्वजनिक जग्गाको दहत्तर-बहत्तरसँग सम्बन्धित नभई खानी विभागको स्वीकृति प्राप्त गरी निजी दर्ता जग्गाबाट उत्खनन हुने खानीजन्य पदार्थको निकासीसँग सम्बन्धित रहेको पाइयो; अभियोजन पक्षले सार्वजनिक/सरकारी जग्गाबाट उत्खनन भएको भनी कुनै दाबी वा प्रमाण नै पेश नगरेको देखियो। साथै, भ्रष्टाचारको कसुर स्थापित हुनका लागि बदनियतपूर्ण कार्य प्रत्यक्ष र निश्चयात्मक प्रमाणबाट पुष्टि हुनुपर्ने सिद्धान्तका आधारमा, प्रतिवादीहरूले आफूखुशी दर तोकेको नभई नगरसभाबाट सर्वसम्मत रूपमा पारित आर्थिक ऐन कार्यान्वयन गरेको मात्र देखिएको र बदनियत पुष्टि गर्ने दायित्व अभियोजन पक्षकै रहेको तर सो पुष्टि हुन नसकेको निष्कर्ष निकालियो।\n\n  \n\n****अन्तिम ठहर****\n\nमाथिका आधारमा आरोप दाबी पुष्टि हुन नआएको भनी अदालतले सबै प्रतिवादीहरूलाई आरोप दाबीबाट सफाइ दियो।\n\n| प्रतिवादी                                                       | निर्णय |\n| --------------------------------------------------------------- | ------ |\n| गजेन्द्र महर्जन, मुना अधिकारी, कृष्णप्रसाद जैसी, श्रीराम आचार्य | सफाइ   |\n| प्रकाश माली / माली निर्माण सेवा                                 | सफाइ   |\n| मधुसुदन डोटेल / निराकार ढुङ्गा रोडा उद्योग प्रा.लि.             | सफाइ   |\n| केदारनाथ तिमल्सेना / मछिन्द्रनाथ मल्टीप्रपोज प्रा.लि.           | सफाइ   |\n| शशिराज शाही / सजिलो रोडा ढुङ्गा उद्योग प्रा.लि.                 | सफाइ   |\n| वीरेन्द्र महर्जन / वीरेन्द्र महर्जन ढुङ्गा उद्योग प्रा.लि.      | सफाइ   |\n\n\n**पुनरावेदन**\n\nउक्त फैसला विरुद्ध सर्वोच्च अदालतमा पुनरावेदन दर्ता भएको छ। उक्त पुनरावेदन (मुद्दा नं. ०८२-CR-०९३६) हाल सर्वोच्च अदालतमा विचाराधीन रहेको छ।","key_allegations":["राष्ट्रसेवक प्रतिवादीहरूले आपसी मिलेमतोमा गोदावरी नगरपालिकाको निकासी शुल्कको दर बागमती प्रदेशको आर्थिक ऐनले तोकेको दर (प्रति घनफिट रु.९।-) भन्दा निकै घटाई प्रति घनफिट रु.२.२५।- मात्र कायम गरेको,","प्रतिवादीहरूले करको दर पहिल्यै निर्णय गरी बोलपत्र आह्वान गरिसकेपछि मात्र सो निर्णयलाई वैधानिकता दिन आर्थिक ऐन जारी गराई कार्यलाई ढाकछोप गर्ने प्रयास गरेको,","प्रतिवादीहरूले घटी दरमा निकासी शुल्कको ठेक्का बन्दोबस्त गरी ठेकेदार तथा खानी/क्रसर व्यवसायी प्रतिवादीहरूलाई अनुचित आर्थिक लाभ पुर्‍याएको,","प्रतिवादीहरूले उक्त कार्यबाट संघीय सरकार, बागमती प्रदेश सरकार र गोदावरी नगरपालिकालाई कुल रु.२१,२१,९७,०५०।- राजस्व चुहावट/हानिनोक्सानी पुर्‍याएको.","प्रतिवादीहरू विरुद्ध भ्रष्टाचार निवारण ऐन, २०५९ को दफा ७(ख) बमोजिम राजस्व चुहावट गरेको र दफा २२ अन्तर्गत मतियारसम्बन्धी कसुरमा अभियोग दायर गरिएको,"],"timeline":[{"date":"2019-04-16","title":"ठेक्का नं.१५/०७५/०७६ को बोलपत्र आह्वान सूचना (आरोप)","date_bs":"2076-01-03","description":"नयाँ पत्रिका राष्ट्रिय दैनिकमा गोदावरी न.पा.को प्राकृतिक स्रोत निकासी करको ठेक्का नं.१५/internal resources/०७५/०७६ को बोलपत्र आह्वान सूचना प्रकाशित गरेको आरोप।"},{"date":"2019-06-10","title":"कार्यपालिकाको सामूहिक निर्णयबाट कबोल अंक तोकेको आरोप","date_bs":"2076-02-27","description":"नगरप्रमुख गजेन्द्र महर्जनको अध्यक्षतामा कार्यपालिकाको सामूहिक निर्णयले आ.व.२०७५/०७६ को कबोल अंकमा १७% बढाई आ.व.२०७६/०७७ का लागि रु.६,२५,९५,००० न्यूनतम कबोल अंक तोकी सार्वजनिक ठेक्का प्रक्रिया अघि बढाएको आरोप।"},{"date":"2019-06-16","title":"निकासी कर असुलीको बोलपत्र आह्वान सार्वजनिक सूचना (आरोप)","date_bs":"2076-03-01","description":"गोदावरी नगरकार्यपालिकाको कार्यालयबाट प्राकृतिक स्रोतको निकासी कर असुल गर्ने सम्बन्धी बोलपत्र आह्वानको सार्वजनिक सूचना प्रकाशित गरेको आरोप; स्थानीय सरकार सञ्चालन ऐन, २०७४ को दफा ११(२)(घ)(६) र ६२ अन्तर्गत शुल्क लिने उल्लेख।"},{"date":"2019-06-25","title":"आ.व.२०७६/०७७ को बजेट पेस","date_bs":"2076-03-10","description":"आ.व.२०७६/०७७ को बजेट पेस गरिएको; गोदावरी न.पा.को आर्थिक ऐन, २०७६ (दफा १५/अनुसूची १४) ले निकासी शुल्क रु.२.२५ प्रति घनफिट तोकेको आरोप।"},{"date":"2019-07-23","title":"माली निर्माण सेवासँग निकासी कर ठेक्का सम्झौता (आरोप)","date_bs":"2076-04-07","description":"माली निर्माण सेवासँग VAT बाहेक रु.८,१९,८१,५०० मा निकासी कर असुलीको सम्झौता; संकलन अवधि २०७६/०४/०१ देखि २०७७ असार मसान्त। प्रदेश दर रु.९ को सट्टा घटी दर तोकी राजस्व चुहावट गरेको आरोप।"},{"date":"2022-06-22","title":"अख्तियारमा उजुरी निवेदन दर्ता","date_bs":"2079-03-08","description":"उ.द.नं.७९८०C-०४६९९१ बमोजिम व्यापारी, प्रहरी र कर्मचारीको मिलेमतोमा सरकारी दररेटभन्दा कम कर असुली गरी वार्षिक करोडौं राजस्व हिनामिना गरेको भन्ने उजुरी अख्तियारमा दर्ता।"},{"date":"2024-06-03","title":"अख्तियारको प्रेस विज्ञप्ति — आरोपपत्र दायर सार्वजनिक","date_bs":"2081-02-21","description":"अख्तियार दुरुपयोग अनुसन्धान आयोग, टंगालले गजेन्द्र महर्जनसमेत ९ जना र प्रा.लि.उपर आ.व.२०७९/०८० मा रु.२६,६३,३७,३९८।१२ राजस्व चुहावट गरी भ्रष्टाचार गरेको भनी आरोपपत्र दायर गरेको प्रेस विज्ञप्ति प्रकाशित।"},{"date":"2024-06-03","title":"विशेष अदालतमा आरोपपत्र दायर / मुद्दा दर्ता","date_bs":"2081-02-21","description":"अख्तियारले बागमती प्रदेश आर्थिक ऐन, २०७९ को दफा ९ अनुसार रु.९/घनफिटको सट्टा रु.२.७५/घनफिट दर तोकी रु.२६,६३,३७,३९८।१२ राजस्व चुहावट गरेको दाबीसहित भ्र.नि.ऐन, २०५९ को दफा ७(ख), ३(१)(झ), १२ र २२ बमोजिम सजायको मागदाबी लिई विशेष अदालत काठमाडौंमा आरोपपत्र दायर (दर्ता नं. ०८०-CR-०१८२)।"},{"date":"2024-06-25","title":"पुर्पक्ष/धरौटी आदेशहरू","date_bs":"2081-03-11","description":"विशेष अदालत ऐन, २०५९ को दफा ७(घ)/(ख) बमोजिम प्रतिवादीहरूले धरौटी राखी तारेखमा रहने आदेश — श्रीराम आचार्य रु.३०,०००, गजेन्द्र महर्जन रु.७०,०००, मुना अधिकारी रु.६०,००० लगायत (२०८१/०३/११ देखि २०८१/०३/२० सम्म दाखिला)।"},{"date":"2024-08-14","title":"विशेष अदालतको फैसला — सबै प्रतिवादीलाई सफाई","date_bs":"2081-04-30","description":"इजलास नं.१ (अध्यक्ष टेकनारायण कुँवर, सदस्यद्वय तेज नारायण सिंह राई र रितेन्द्र थापा) ले स्थानीय तहलाई कर निर्धारण अधिकार रहेको, प्रदेश ऐनसँग बाझिएको प्रश्न संवैधानिक इजलासको क्षेत्राधिकारभित्र पर्ने र बदनियत पुष्टि नभएको ठहर्‍याउँदै आरोप दाबीबाट सबै प्रतिवादीले सफाई पाउने फैसला; कुनै बिगो कायम भएन। (प्रमाणीकरण मिति २०८२/०६/२१)"},{"date":"2025-12-26","title":"अख्तियारको सर्वोच्च अदालतमा पुनरावेदन","date_bs":"2082-09-11","description":"विशेष अदालतले मिति २०८१।०४।३० मा गजेन्द्र महर्जनसमेत सबै प्रतिवादीलाई दिएको सफाई फैसलाविरुद्ध अख्तियार दुरुपयोग अनुसन्धान आयोगले मिति २०८२।०९।११ मा सर्वोच्च अदालतमा पुनरावेदन दर्ता गरेको — मुद्दा नं. ०८२-CR-०९३६। गोदावरी निकासी-करसम्बन्धी ५ वटा मुद्दामा एकै दिन फरक-फरक पुनरावेदन दर्ता भएको। पुनरावेदन हाल विचाराधीन रहेको।"}],"ai_generated_sections":[],"evidence":[{"material_iri":"https://jawafdehi.org/material/court_order/special.080-cr-0182","additional_details":"यो फैसला यस मुद्दाका मुख्य अभियुक्त गजेन्द्र महर्जनसमेतविरुद्धको न्यायिक कारबाही र ठहरको प्राथमिक अभिलेख हो, जसले बागमती प्रदेशले तोकेको दरभन्दा कम दर कायम गरी रु. २६.६३ करोड राजस्व चुहावट गराएको आरोपमा अदालतको अन्तिम निर्णय प्रत्यक्ष रूपमा देखाउँछ। निकासी कर दर निर्धारण प्रक्रिया, आर्थिक ऐन २०७६ को दररेट, माली निर्माण सेवासँगको ठेक्का सम्झौता र प्रतिवादीहरूको बयान समेटिएको हुनाले यो दर बेवास्ता, मतियारको भूमिका र राजस्व चुहावटसम्बन्धी सबै आरोपका लागि केन्द्रीय प्रमाण-अभिलेखको रूपमा रहन्छ।","material":{"display_name":"080-CR-0182 आदेश","material_type":"court_order","urls":[{"link":"https://s3.jawafdehi.org/case_uploads/court-orders/special/080-CR-0182.1.docx","role":"RAW"}]}},{"material_iri":"https://jawafdehi.org/material/news/20260608.4ab857ad","additional_details":"यो राइजिङ नेपाल डेलीको समाचार रिपोर्ट हो जसले अख्तियार दुरुपयोग अनुसन्धान आयोगले गोदावरी नगरपालिकाका निलम्बित नगरप्रमुख गजेन्द्र महर्जन, उपप्रमुख मुना अधिकारीसमेत नौ जनाविरुद्ध बहुवर्षीय निकासी कर राजस्व चुहावट सम्बन्धी पाँच मुद्दा विशेष अदालतमा दायर गरेको पुष्टि गर्ने गौण/समाचारजन्य स्रोत हो; यस मुद्दाको सन्दर्भमा यसले राजस्व चुहावट गराएको मूल अभियोग र अभियुक्तहरूको पहिचानलाई पुष्ट गर्ने पृष्ठभूमि एवं समर्थनकारी सामग्रीको भूमिका निर्वाह गर्छ। तर यो प्राथमिक अभिलेख नभई पत्रकारिता प्रतिवेदन भएकाले आ.व. २०७६/०७७ को विशिष्ट रकम र दर सम्बन्धी तथ्यका लागि यसलाई स्वतन्त्र निर्णायक प्रमाणका रूपमा नभई सहायक सन्दर्भका रूपमा लिनुपर्छ।","material":{"display_name":"CIAA files five cases against local level officials","material_type":"news","urls":[{"link":"https://risingnepaldaily.com/news/43937","role":"RAW"},{"link":"https://s3.jawafdehi.org/case_uploads/afc4bb838c434118c6040917ce47bd17e89e029dc2a3f2a25f86ec6d135c6c77.md","role":"MARKDOWN"},{"link":"https://web.archive.org/web/20260623004625/https://risingnepaldaily.com/news/43937","role":"PERMALINK"}]}},{"material_iri":"https://jawafdehi.org/material/news/20260608.fefc17b7","additional_details":"यो समाचार लेख विशेष अदालतले गोदावरी नगरप्रमुख गजेन्द्र महर्जनसमेत १४ जनालाई सफाइ दिएको न्यायिक निर्णयको विवरण भएकाले यस मुद्दामा अभियोग दाबी (कम दरमा निकासी कर ठेक्का दिई रु. १.०४ अर्बभन्दा बढी राजस्व चुहावट)को अदालती निरूपण/परिणामसम्बन्धी पृष्ठभूमि सन्दर्भका रूपमा रहन्छ। यो प्राथमिक न्यायिक अभिलेख नभई अदालतको ठहर सञ्चार माध्यममार्फत प्रतिविम्बित गर्ने गौण स्रोत हो, जसले अभियोगका आरोप अदालतबाट प्रमाणित नभई सफाइमा परिणत भएको देखाउँछ।","material":{"display_name":"Special Court acquits Godavari mayor, 13 others in corruption case – HimalPress | English","material_type":"news","urls":[{"link":"https://en.himalpress.com/special-court-acquits-godavari-mayor-13-others-in-corruption-case/","role":"RAW"},{"link":"https://s3.jawafdehi.org/case_uploads/7c9701da14dbddd6174fafea726325fe9bd45a0cd3a4cac1a07792a3302ad3d7.md","role":"MARKDOWN"},{"link":"https://web.archive.org/web/20250120051901/https://en.himalpress.com/special-court-acquits-godavari-mayor-13-others-in-corruption-case/","role":"PERMALINK"}]}},{"material_iri":"https://jawafdehi.org/material/news/20260608.b9218c7b","additional_details":"यो Setopati समाचार यस मुद्दा (080-CR-0182) को न्यायिक यात्रासम्बन्धी पृष्ठभूमि सामग्री हो, जसले रु. २६.६३ करोड (समाचारमा उल्लिखित रु. १.०४ अर्ब) राजस्व चुहावटको मुख्य अभियोगमा विशेष अदालतबाट नगरप्रमुख गजेन्द्र महर्जनसमेत १४ जनालाई सफाइ दिइएको र CIAA ले सर्वोच्च अदालतमा पुनरावेदन गरेको प्रक्रियागत परिणामलाई पुष्टि गर्छ। यो प्राथमिक अदालती अभिलेख नभई द्वितीयक समाचार स्रोत भएकाले अभियोग र मुद्दाको स्थितिबारे सहायक/पुष्ट्याइँ सन्दर्भका रूपमा मात्र ग्रहण गरिनुपर्छ।","material":{"display_name":"CIAA appeals Supreme Court against acquittal of former Godawari mayor, 13 others :: Setopati :: Setopati","material_type":"news","urls":[{"link":"https://en.setopati.com/social/165668","role":"RAW"},{"link":"https://s3.jawafdehi.org/case_uploads/8a5758d588f6d2ff3dae5e841fba3ce3d0d9bac72d12079295789a33a09dec2d.md","role":"MARKDOWN"},{"link":"https://web.archive.org/web/20260623004751/https://en.setopati.com/social/165668","role":"PERMALINK"}]}},{"material_iri":"https://jawafdehi.org/material/news/20260608.36b90c7e","additional_details":"यो कान्तिपुरको समाचार सामग्री प्रमुख अभिलेख नभई पृष्ठभूमि एवं समर्थनकारी प्रमाणको रूपमा रहन्छ, जसले अख्तियार दुरुपयोग अनुसन्धान आयोगले गोदावरीका नगरप्रमुख गजेन्द्र महर्जन र उपप्रमुख मुना अधिकारीसमेत १४ जनाविरुद्ध खानीजन्य/नदीजन्य पदार्थको निकासी राजस्व हिनामिनाको आरोपमा विशेष अदालतमा मुद्दा दायर गरी निलम्बन भएको तथ्यलाई पुष्टि गर्छ। यसले राजस्व चुहावटसम्बन्धी मुख्य अभियोगको कारबाही प्रक्रिया सुरु भएको सन्दर्भ मात्र समर्थन गर्छ, दर निर्धारण वा रकम चुहावटको सारभूत प्रमाण भने प्रस्तुत गर्दैन।","material":{"display_name":"Mayor and deputy mayor suspended, three municipalities leaderless - कान्तिपुर","material_type":"news","urls":[{"link":"https://ekantipur.com/en/news/2024/06/14/mayor-and-deputy-mayor-suspended-three-municipalities-leaderless-26-53.html","role":"RAW"},{"link":"https://s3.jawafdehi.org/case_uploads/678dbff8d9d1f4e7877eb6f601e5ada868b74705b7c7925598168fae1506cef8.md","role":"MARKDOWN"},{"link":"https://web.archive.org/web/20260623004936/https://ekantipur.com/news/2024/06/14/en/mayor-and-deputy-mayor-suspended-three-municipalities-leaderless-26-53.html","role":"PERMALINK"}]}},{"material_iri":"https://jawafdehi.org/material/ciaa_press_release/3300","additional_details":"अख्तियारको पुनरावेदनसम्बन्धी प्रेस विज्ञप्ति — गोदावरी निकासी-कर ५ मुद्दाको साझा; विशेष अदालतको सफाई फैसलाविरुद्ध सर्वोच्च अदालतमा मिति २०८२।०९।११ (२०२५-१२-२६) मा दायर पुनरावेदनको आधिकारिक स्रोत।","material":{"display_name":"प्रतिवादी गजेन्द्र महर्जनसमेत रहेको राजस्व चुहावट गरी भ्रष्टाचार गरेको मुद्दामा विशेष अदालतबाट भएको फैसलाउपर आयोगलाई चित्त नबुझी सम्मानित सर्वोच्च अदालतमा पुनरावेदनको फरक-फरक ५ वटा निवेदन दर्ता गरिएको।","material_type":"press_release","urls":[{"link":"https://ciaa.gov.np/pressrelease/3300","role":"SOURCE_PAGE"},{"link":"https://s3.jawafdehi.org/case_uploads/e8d68f9cceecfc1c855881d430604982efee32f2b5dbc9f55f089771f0390f3e.pdf","role":"RAW"}]}}],"notes":"","court_cases":["https://jawafdehi.org/courtcase/special/080-cr-0182","https://jawafdehi.org/courtcase/supreme/082-cr-0936"],"missing_details":"१.यस मुद्दाको आरोपपत्र सार्वजनिक भएको छैन भने यसमा उल्लिखित विवरणहरु विशेष अदालतको फैसलामा आधारित छन्।\n२.सर्वोच्च अदालतमा परेको पुनरावेदनको पुर्णपाठ ।","bigo":212197050,"weight":0,"versionInfo":{"action":"published","datetime":"2026-07-23T00:05:23.403849+00:00"},"created_at":"2026-05-05T20:41:16.786746+05:45","updated_at":"2026-09-10T13:34:07.304963+05:45"}